মুম্বাই, ৩০ অক্টোবৰ (হি.স.)। কানাড়া অভিনেতা ঋষভ শ্বেট্টীৰ আগন্তুক ঐতিহাসিক ছবি ছত্ৰপতি শিৱাজী মহাৰাজ সন্দৰ্ভত এটা ডাঙৰ আপডেট ওলাইছে। এই গ্ৰেণ্ড পিৰিয়ড নাটকত যোগ দিছে প্ৰযোজক ভূষণ কুমাৰে। ছবিখন পৰিচালনা কৰিব সন্দীপ সিঙে । ছাত্ৰপতি শিৱাজী মহাৰাজৰ জীৱন আৰু স্বৰাজ্য প্ৰতিষ্ঠাৰ সংকল্পৰ আধাৰত নিৰ্মিত এই ছবিখন দুটা ভাগত নিৰ্মাণ কৰা হ’ব । মহাৰাজৰ ঐতিহাসিক যাত্ৰা, নিৰ্ণায়ক যুদ্ধ, বৃহৎ বিজয়, ত্যাগ, আৰু তেওঁৰ জীৱনৰ কম পৰিচিত দিশসমূহ ডাঙৰ পৰ্দাত প্ৰদৰ্শন কৰাৰ লক্ষ্যৰে ছবিখন ।
এই সহযোগিতাৰ কথা ঘোষণা কৰিবলৈ ভূষণ কুমাৰে ঋষভ শেট্টীক ছাত্রপতি শিৱাজী মহাৰাজৰ প্ৰায় এশ বছৰ পুৰণি ছবি এখন উপহাৰ দিয়ে। এই উপহাৰক মহাৰাজৰ প্ৰতি সন্মান আৰু পৰ্দাত তেওঁৰ জীৱনক জীৱন্ত কৰি তোলাৰ দায়িত্বৰ প্ৰতীক হিচাপে দেখা যায়। বৃহৎ অভিনেতা-অভিনেত্ৰী আৰু অভিজ্ঞ কাৰিকৰী বিশেষজ্ঞৰ সৈতে এই ছবিখন গ্ৰেণ্ড স্কেলত নিৰ্মাণ কৰাৰ পৰিকল্পনা কৰা হৈছে । এই ঐতিহাসিক কাহিনীটোক এক গ্ৰেণ্ড চিনেমাৰ মেকঅভাৰ দিয়াৰ লক্ষ্য প্ৰযোজকসকলে।
খবৰ অনুসৰি ২০২৭ চনৰ আৰম্ভণিতে ছবিখনৰ শ্বুটিং আৰম্ভ হ’ব পাৰে।ইয়াৰ বাজেট ৫০০ কোটি ₹ৰ ওপৰত বুলি কোৱা হৈছে। ঋষভ শেট্টীৰ লগতে ভূমি পেডনেকাৰ, বিবেক অবেৰয়, আৰু অৰ্জুন ৰামপালেও মূল চৰিত্ৰত অভিনয় কৰাৰ সম্ভাৱনা আছে। টি ছিৰিজ আৰু লিজেণ্ড ষ্টুডিঅ’ৰ বেনাৰত নিৰ্মাণ হ’ব ছবিখন। পৰিকল্পনা অনুসৰি ২০২৮ চনত প্ৰথম খণ্ড আৰু ২০২৯ চনত দ্বিতীয় খণ্ড ছবিগৃহত মুক্তি পাব পাৰে ।
-----------------
হিন্দুস্থান সমাচাৰ / অৰৱিন্দ
