নতুন দিল্লী, ০৪ অক্টোবৰ (হি.স.)। শ্ৰীলংকা ক্ৰিকেট ব’ৰ্ডে পাকিস্তানত অনুষ্ঠিত হ’বলগীয়া এদিনীয়া ত্ৰিকোণীয় শৃংখলা (ট্ৰাই ছিৰিজ)ৰ বাবে দেওবাৰে ১৬ জনীয়া দল ঘোষণা কৰে। এই ধাৰাবাহিকখনত আয়োজক পাকিস্তান আৰু শ্ৰীলংকাৰ লগতে ইংলেণ্ডেও অংশগ্ৰহণ কৰিব। ১৮ অক্টোবৰৰ পৰা আৰম্ভ হ’ব এই শৃংখলা খন।
শ্ৰীলংকাৰ দলত দুটা পৰিৱৰ্তন কৰা হৈছে । প্ৰাক্তন অধিনায়ক চৰিথ আছালংকাক দলৰ পৰা বাদ দিয়াৰ বিপৰীতে স্পিন অলৰাউণ্ডাৰ ৱানিন্দু হাছাৰাংগো আঘাতৰ বাবে উপলব্ধ নহয়। তেওঁলোকৰ ঠাইত বেটছমেন অবিষ্কা ফাৰ্নাণ্ডো আৰু অল ৰাউণ্ডাৰ চাহান আৰাচচিগে স্থান লাভ কৰিছে।
শেহতীয়াকৈ ইংলেণ্ডত অনুষ্ঠিত এদিনীয়া শৃংখলাত আছালংকাই তিনিখন মেচত ক্ৰমে ১, ১১ আৰু ৭ ৰান সংগ্ৰহ কৰি হতাশাজনক প্ৰদৰ্শন আগবঢ়াইছিল। এই ভ্ৰমণৰ সময়ত আহত হয় হাছাৰংগা। এই দুটা পৰিৱৰ্তনৰ বাহিৰে দলটোৰ আন কোনো পৰিৱৰ্তন কৰা হোৱা নাই। একেটা দলেই ইংলেণ্ডৰ বিৰুদ্ধে এদিনীয়া শৃংখলাত খেলিছিল, য’ত শ্ৰীলংকাই ২-১ গ’লত পৰাস্ত হৈছিল।
আন্তঃৰাষ্ট্ৰীয় ক্ৰিকেট পৰিষদৰ তথ্য অনুসৰি ১৬ জনীয়া দলটোত অ’পেনাৰ পাথুম নিছাংকাক অন্তৰ্ভুক্ত কৰা হৈছে যদিও তেওঁৰ ভ্ৰমণৰ বাবে কিছুমান চৰ্ত আছে। মেডিকেল ফিট বুলি ঘোষণা কৰিলেহে তেওঁ দলৰ সৈতে যাত্ৰা কৰিব।
এদিনীয়া ট্ৰাই ছিৰিজৰ বাবে শ্ৰীলংকাৰ এদিনীয়া দল : কুছাল মেণ্ডিছ (অধিনায়ক), সাহান আৰাচচিগে, দুষমন্ত চমীৰা, সচিন্দু কলম্বেজ, অবিষ্কা ফাৰ্নাণ্ডো, অসিতা ফাৰ্নাণ্ডো, জনীথ লিয়ানাগে, দিলশান মাদুশংকা, ঈশান মালিংগা, কামিন্দু মেণ্ডিছ, কামিল মিছাৰা, পাথুম নিছাংকা, পৱন ৰথনায়কে, দছুন শনাকা, মহীশ থিকচন, দুনিথ ৱেলালেজ।
--------------
হিন্দুস্থান সমাচাৰ / অৰৱিন্দ
