মুম্বাই, ২৭ অক্টোবৰ (হি.স.)। শ্বাহৰুখ খানে পুনৰবাৰ কঢ়িয়াই আনিছে একচন আৰু ৰোমাঞ্চৰ এক অনন্য মিশ্ৰণ তেওঁৰ আগন্তুক ছবি ‘কিং’ত।
অভিনেতাগৰাকীয়ে ছবিখনৰ বাবে এখন নতুন পোষ্টাৰ মুকলি কৰিছে, য’ত তেওঁৰ শক্তিশালী ৰূপটো প্ৰদৰ্শন কৰা হৈছে। হাতত বন্দুক আৰু মুখত গোলাপ ফুল লৈ শ্বাহৰুখ খানৰ মুখত ক্ষোভ আৰু তীব্ৰতা দেখা যায় চকুত। এই লুকটোৱে এফালে ছবিখনৰ একচনৰ আভাস দিয়ে, আনহাতে আনফালে তেওঁৰ ৰোমান্টিক দিশটোও মনত পেলাই দিয়ে।
পোষ্টাৰখনত শ্বাহৰুখ খানক বগা চুলি আৰু দাড়ি থকা ৰুক্ষ অৱতাৰত দেখা গৈছে। এই লুকটো তেওঁৰ পূৰ্বৰ ৰোমান্টিক ভূমিকাতকৈ যথেষ্ট পৃথক। পোষ্টাৰৰ লগতে অভিনেতাজনে লিখিছে, আজি আকৌ মনত পৰিল... হত্যাকাৰী নহয়... মই প্ৰেমিক... এই সংলাপত ছবিখনত তেওঁৰ চৰিত্ৰৰ দুটা ভিন্ন দিশৰ আভাস পোৱা যায়। ইয়াৰ পূৰ্বে শ্বাহৰুখে ‘পাথান’ আৰু ‘জৱান’ৰ দৰে ছবিত একচন অৱতাৰেৰে দৰ্শকক মোহিত কৰিছিল। এতিয়া কিংত তেওঁৰ নতুন ৰূপটোক লৈ অনুৰাগীসকল উৎসাহিত হৈছে।
ৰেড চিলিজ এণ্টাৰটেইনমেণ্টৰ বেনাৰত নিৰ্মিত কিং ছবিখনৰ পৰিচালনা কৰিছে সিদ্ধাৰ্থ আনন্দই। এই একচন-থ্ৰিলাৰ ছবিখনত শ্বাহৰুখ খান, চুহানা খান, দীপিকা পাডুকন, অভিষেক বচ্চন, আৰু ৰাণী মুকেৰজীয়েও অভিনয় কৰিব। বৰদিনৰ মুক্তিৰ দিন ধাৰ্য কৰা হৈছে ছবিখন। ২০২৬ চনৰ ২৪ ডিচেম্বৰত বিশ্বজুৰি ছবিগৃহত মুক্তি পাব কিং।
-----------------
হিন্দুস্থান সমাচাৰ / অৰৱিন্দ
