মুম্বাই, ২৭ অক্টোবৰ (হি.স.)। নিতেশ তিৱাৰীৰ আগন্তুক ছবি ৰামায়ণ মুক্তিৰ পূৰ্বে ৰণবীৰ কাপুৰ আৰু সাই পল্লৱীয়ে ইয়াৰ প্ৰচাৰ আৰম্ভ কৰিছে। ছবিখনত লৰ্ড ৰাম আৰু মাতা সীতাৰ চৰিত্ৰত অভিনয় কৰা অভিনেতা দুগৰাকীক অতি সোনকালে অমিতাভ বচ্চনৰ জনপ্ৰিয় কুইজ শ্ব' কাউন বনেগা কোৰপতি ১৮ত দেখা যাব।
শ্ব’টোৰ প্ৰযোজকসকলে এই বিশেষ খণ্ডটোৰ প্ৰ’ম’ মুকলি কৰিছে, য’ত ৰণবীৰ আৰু সাই পল্লৱীয়ে অমিতাভ বচ্চনৰ সৈতে আড্ডা আৰু আনন্দ কৰা দেখা গৈছে। প্ৰমোটোত অমিতাভ বচ্চনে ছাই পল্লৱীক ডাক্তৰ হ’বলৈ পঢ়া-শুনা আৰু অভিনয় জগতত প্ৰৱেশ কৰাৰ সিদ্ধান্তৰ বিষয়ে সুধিছে।
অভিনেত্ৰীগৰাকীয়ে কয় যে হয়তো অভিনেত্ৰী হোৱাটো তেওঁৰ ভাগ্যত লিখা হৈছিল। তাই ক'লে, ভগৱানে তেনেকৈয়ে লিখিছিল। অভিনয় মোৰ ভাগ্যত লিখা হৈছিল। ছাইৰ উত্তৰত দৰ্শকসকলে হাতচাপৰি বজাই সমৰ্থন জনায়। ইফালে ৰণবীৰ কাপুৰেও যোগ দিয়ে, ধেমালিতে কয় যে ছাইক অভিনয় কৰাটো ঈশ্বৰৰ প্ৰেছক্ৰিপচন আছিল। তেওঁৰ সঁহাৰিয়ে শ্ব’টোৰ পৰিৱেশ উজ্জ্বল কৰি তোলে।
ৰামায়ণৰ অভিনেতা-অভিনেত্ৰীৰ এই বিশেষ খণ্ডটো অহা ২৯ আৰু ৩০ অক্টোবৰত প্ৰচাৰ হ'ব। ৰণবীৰ আৰু সাই পল্লৱীৰ উপৰিও ছবিখনত যশ, ছানী দেওল, ৰবি ডুবে, ৰাকুল প্ৰীত সিং, অৰুণ গোভিল, আৰু লাৰা দত্ত আদিয়েও অভিনয় কৰিব। নিতেশ তিৱাৰীৰ পৰিচালনাৰে নিৰ্মিত এই ছবিখন ২০২৬ চনৰ ৫ নৱেম্বৰত চিনেমাগৃহত মুক্তি লাভ কৰাৰ কথা।
--------------
হিন্দুস্থান সমাচাৰ / অৰৱিন্দ
