ৱাশ্বিংটন, ০৫ জানুৱাৰী (হি.স.)। ভেনিজুৱেলাত সংঘটিত সামৰিক অভিযানৰ পিছতে কেইবাখনো দেশক ভাবুকি দিছে আমেৰিকাৰ ৰাষ্ট্ৰপতি ড’নাল্ড ট্ৰাম্পে। তেওঁ ইংগিত দিয়ে যে কলম্বিয়াত যিকোনো সময়তে সামৰিক ব্যৱস্থা হ’ব পাৰে। মেক্সিকোকো সকীয়াই দিছিল। ট্ৰাম্পে কয় যে তেওঁ ভেনিজুৱেলাৰ পংগু তেল উদ্যোগক উদ্ধাৰৰ বাবে আমেৰিকাৰ কোম্পানীসমূহৰ ওপৰত নিৰ্ভৰশীল।

চিএনএনৰ এক প্ৰতিবেদন অনুসৰি ৰাষ্ট্ৰপতি ড’নাল্ড ট্ৰাম্পে কলম্বিয়াত সামৰিক ব্যৱস্থা গ্ৰহণৰ সম্ভাৱনাৰ ইংগিত দিছিল। তেওঁ কয় যে ড্ৰাগছৰ বিষয়ত মেক্সিকোৱে সঠিকভাৱে কাম কৰিব লাগিব। আমেৰিকাক গ্ৰীনলেণ্ডৰ প্ৰয়োজন। ৰাষ্ট্ৰপতিগৰাকীয়ে কয় যে বিশ্বৰ সৰ্ববৃহৎ তেলৰ মজুত যিমানেই আকৰ্ষণীয় যেন লাগে, সেয়াই আমেৰিকাৰ কোম্পানীসমূহৰ বাবে লাভতকৈ অধিক বিপদৰ সৃষ্টি হ’ব পাৰে।

ৰাষ্ট্ৰপতি ট্ৰাম্পে কয় যে ভেনিজুৱেলাৰ তেলৰ আন্তঃগাঁথনি পুনৰ নিৰ্মাণৰ বাবে কোটি কোটি ডলাৰ খৰচ হ’ব। বৰ্তমান খাৰুৱা তেলে এনে বিনিয়োগক সুলভ কৰি তুলিব পৰাকৈ মূল্য আগবঢ়োৱা নাই। ভেনিজুৱেলাৰ অনন্য ধৰণৰ খাৰুৱা তেল শোধন কৰাটো এক ব্যয়বহুল প্ৰচেষ্টা। ইফালে আমেৰিকাৰ বিষয়াসকলে আমেৰিকাৰ তেল কোম্পানীসমূহৰ সৈতে কথা পাতিছে। সূত্ৰসমূহে জনোৱা মতে, কোম্পানীসমূহে পুনৰ বিনিয়োগৰ প্ৰতিশ্ৰুতি দিবলৈ দ্বিধাবোধ কৰিছে।

हिन्दुस्थान समाचार / মনোজ কুমাৰ শইকীয়া