কাঠমাণ্ডু, ০২ ছেপ্টেম্বৰ (হি.স.)। প্ৰধানমন্ত্ৰী কে পি শৰ্মা ‘অলি’য়ে মঙলবাৰে বেইজিঙৰ ডিয়াওয়ুটাই ৰাজ্যিক অতিথিশালাত চীনৰ উপ-ৰাষ্ট্ৰপতি হান ঝেঙক সাক্ষাৎ কৰে। এই সময়ত দুয়োগৰাকী নেতাই দ্বিপাক্ষিক সম্পৰ্ক সম্প্ৰসাৰণ আৰু সহযোগিতাৰ বিভিন্ন বিষয়ত এক বৈঠক অনুষ্ঠিত কৰে।

প্ৰধানমন্ত্ৰীৰ অৰ্থনৈতিক উপদেষ্টা ড০ যুৱৰাজ খাতিৱাড়াই কয় যে বৈঠকৰ সময়ত চীনৰ পক্ষই দ্বিপাক্ষিক কূটনৈতিক সম্পৰ্ক সম্প্ৰসাৰণৰ লগতে দুয়োখন দেশৰ লাভালাভ কৰিব পৰা প্ৰকল্পৰ প্ৰসাৰ সন্দৰ্ভত আলোচনা কৰে। তেওঁ কয় যে নেপাল পক্ষই এক চীন নীতিৰ প্ৰতি স্পষ্ট দায়বদ্ধতা পুনৰবাৰ প্ৰকাশ কৰাৰ লগতে চীনৰ বিৰুদ্ধে নিজৰ ভূখণ্ড ব্যৱহাৰ কৰিবলৈ নিদিয়াৰ প্ৰতিশ্ৰুতি প্ৰকাশ কৰে।

চীনৰ টিয়ানজিন চহৰত অনুষ্ঠিত হোৱা চাংহাই সহযোগিতা সংস্থাৰ শীৰ্ষ সন্মিলনৰ সামৰণিৰ পিছত মঙলবাৰে পুৱা বেইজিঙত উপস্থিত হয় প্ৰধানমন্ত্ৰী অলি। বেইজিঙত ফেচিবাদ আৰু জাপানৰ আগ্ৰাসনৰ বিৰুদ্ধে চীনৰ বিজয়ৰ ৮০ বছৰীয়া জয়ন্তী উদযাপনত বিশ্বৰ নেতাসকলৰ সৈতে অংশগ্ৰহণ কৰিব প্ৰধানমন্ত্ৰী অলিয়ে। বিদেশী অতিথিৰ সন্মানত চীনৰ উপ-ৰাষ্ট্ৰপতি হানে আয়োজন কৰা নিশাৰ আহাৰতো অংশগ্ৰহণ কৰে প্ৰধানমন্ত্ৰী অলিয়ে।

হিন্দুস্থান সমাচাৰ / মনোজ কুমাৰ শইকীয়া