২৯ আগষ্টত ডাঙৰ পৰ্দাত মুক্তি পালে সিদ্ধাৰ্থ মালহোত্ৰা আৰু জানহৱী কাপুৰৰ ৰোমান্টিক কমেডী ছবি ‘পৰম সুন্দৰী’।প্ৰথমবাৰৰ বাবে এই নতুন যুটিটো একত্ৰিত হোৱাক লৈ দৰ্শকৰ মাজত যথেষ্ট উন্মাদনাৰ সৃষ্টি হৈছিল যদিও বক্স অফিচত ছবিখনৰ অভিনয় আশানুৰূপ নহয়। প্ৰথম তিনিদিনত ছবিখনে ভাল উপাৰ্জন কৰিছিল যদিও চতুৰ্থ দিনা ছবিখনৰ সংগ্ৰহৰ তীব্ৰ অৱনতি ঘটিছিল। চতুৰ্থ দিনটোত বক্স অফিচত কিমান উপাৰ্জন কৰিলে ‘পৰম সুন্দৰী’।
বক্স অফিচ ট্ৰেকাৰ ছাকনিলকৰ প্ৰতিবেদন অনুসৰি মুক্তিৰ চতুৰ্থ দিন সোমবাৰে ‘পৰম সুন্দৰী’ই ৩.৫০ কোটি টকাৰ ব্যৱসায় কৰিছিল। প্ৰথম দিনাই ৭.২৫ কোটি টকাৰে আৰম্ভ হোৱা ছবিখনৰ দ্বিতীয় দিনা সংগ্ৰহ ৯.২৫ কোটি টকালৈ বৃদ্ধি পায়। তৃতীয় দিনা দেওবাৰে ছবিখনে ১০.২৫ কোটি টকা উপাৰ্জন কৰে। এইদৰে চাৰিদিনত ‘পৰম সুন্দৰী’ ছবিখনৰ বক্স অফিচত মুঠ সংগ্ৰহ ৩০.২৫ কোটি টকা হৈছে।
অভিষেক বচ্চনৰ ছবি ‘দসৱী’ৰ পৰা স্বীকৃতি লাভ কৰা তুষাৰ জালোটাৰ পৰিচালক ‘পৰম সুন্দৰী’। এই ৰোমান্টিক কমেডী প্ৰযোজনা কৰিছে দীনেশ বিজানৰ। ছবিখনত সিদ্ধাৰ্থ মালহোত্ৰা আৰু জানহৱী কাপুৰৰ লগতে ৰেঞ্জী পানিকৰ, সিদ্ধাৰ্থ শংকৰ, মঞ্জোৎ সিং, সঞ্জয় কাপুৰ, ইনায়ত ভাৰ্মাৰ দৰে অভিনেতাইও গুৰুত্বপূৰ্ণ চৰিত্ৰত অভিনয় কৰিছে। কাহিনীটোৰ কেন্দ্ৰবিন্দু হৈছে সিদ্ধাৰ্থ আৰু জানহৱীৰ প্ৰেম কাহিনী, যাৰ চাৰিওফালে গোটেই ছবিখন বোৱা হৈছে। তথ্য অনুসৰি ‘পৰম সুন্দৰী’ নিৰ্মাণৰ বাবে প্ৰায় ৪৫ কোটি টকাৰ বাজেট ব্যয় কৰা হৈছে।
हिन्दुस्थान समाचार / আলোক চক্ৰৱৰ্তী
