- শুল্ক বিবাদৰ মাজতে মঙলবাৰে ভাৰত-আমেৰিকাৰ বাণিজ্যিক আলোচনাৰ ষষ্ঠ ৰাউণ্ড
নতুন দিল্লী, ১৫ ছেপ্টেম্বৰ (হি.স.)। প্ৰস্তাৱিত দ্বিপাক্ষিক বাণিজ্য আলোচনা (বিটিএ)ৰ বাবে আজি নিশা ভাৰতত উপস্থিত হ’ব আমেৰিকাৰ মুখ্য বাণিজ্য আলোচনাপন্থী ব্ৰেণ্ডন লিঞ্চ। ভাৰত-আমেৰিকাৰ মাজত প্ৰস্তাৱিত দ্বিপাক্ষিক বাণিজ্য আলোচনা (বিটিএ) সন্দৰ্ভত মঙলবাৰৰ পৰা পুনৰ ষষ্ঠ ৰাউণ্ডৰ আলোচনা আৰম্ভ হোৱাৰ সম্ভাৱনা আছে।
চৰকাৰী সূত্ৰই সোমবাৰে জনোৱা মতে, স্পৰ্শকাতৰ কৃষি আৰু দুগ্ধ বজাৰত প্ৰৱেশৰ বাবে ভাৰত আৰু আমেৰিকাৰ মাজত প্ৰস্তাৱিত দ্বিপাক্ষিক বাণিজ্য চুক্তিৰ আলোচনা স্থবিৰ হৈ পৰিছে। আমেৰিকাৰ আলোচনাপন্থী ব্ৰেণ্ডন লিঞ্চ আৰু তেওঁৰ দলটোৱে আজি ভাৰতত উপস্থিত হোৱাৰ সম্ভাৱনা আছে। তেওঁলোকৰ আগমনৰ লগে লগে পুনৰ আৰম্ভ হ’ব আলোচনা। ব্ৰেণ্ডন লিঞ্চ আমেৰিকাৰ সহকাৰী বাণিজ্য প্ৰতিনিধি (দক্ষিণ আৰু পশ্চিম এছিয়া)।
যি সময়ত ৰাষ্ট্ৰপতি ড’নাল্ড ট্ৰাম্পে ভাৰতৰ ওপৰত ৫০ শতাংশ শুল্ক আৰোপ কৰাৰ পিছত দুয়োখন দেশৰ মাজত উত্তেজনা লাঘৱ হোৱাৰ লক্ষণ দেখা গৈছে এই আলোচনাত। অৱশ্যে ট্ৰাম্প প্ৰশাসনে ভাৰতক ৰাছিয়াৰ পৰা খাৰুৱা তেল ক্ৰয় কৰাৰ বাবে নিয়মীয়াকৈ সমালোচনা কৰি ইউক্ৰেইনৰ যুদ্ধক ইন্ধন যোগোৱাৰ অভিযোগ উত্থাপন কৰি আহিছে।
हिन्दुस्थान समाचार / অৰৱিন্দ
