বাক্সা, ০৫ আগষ্ট (হি.স.)। বাক্সাৰ জলগাঁওত আজি বিটিচি চৰকাৰৰ জ্ঞান স্বৰাং আঁচনিৰ জৰিয়তে ছাত্র -ছাত্ৰীক চেক বিতৰণ কাৰ্যসূচী ৰূপায়ণ। কাৰ্যসূচীত উপস্থিত থাকি চেক বিতৰণ কৰে বিটিআৰৰ বাক্সা জিলাৰ ককলাবাৰী পৰিষদীয় সমষ্টিৰ পাৰিষদ মণ্টু বড়োৱে।

কাৰ্যসূচীৰ অন্তত সাংবাদিকৰে হোৱা সাক্ষাৎকাৰত অঞ্চলটোৰ দুই শতাধিক ছাত্র -ছাত্ৰীক চেক বিতৰণ কৰা বুলি মন্তব্য কৰে পাৰিষদ মণ্টু বড়োৱে । এইবাৰৰ বিটিচি নিৰ্বাচনত ইউপিপিএলে একক সংখ্যাগৰিষ্ঠতা লাভ কৰি চৰকাৰ গঠন কৰিব। ককলাবাৰী পৰিষদীয় সমষ্টিত ইউপিপিএল দলৰ পাৰ্থীৰ জয়লাভ নিশ্চিত বুলিও দাবী কৰে পাৰিষদ মণ্টু বড়োৱে। আজিৰ কাৰ্যসূচীত দলৰ কেবাগৰাকীও দলীয় নেতা কৰ্মীয়ে অংশগ্রহণ কৰে।

হিন্দুস্থান সমাচাৰ / কিশোৰ মিশ্ৰ