গোৱালপাৰা, ২৯ আগষ্ট (হি.স.): গোৱালপাৰা জিলাৰ মাটিয়া থানাৰ অন্তৰ্গত নিগমৰ এজন অসহায় যুৱক দুৰাৰোগ্য ৰোগত আক্ৰান্ত হৈ ধনৰ অভাৱত সমুচিত চিকিৎসাৰ পৰা বঞ্চিত হৈ আছে। ৰূপছান আলী নামৰ যুৱক জন বিগত ৬ মাহে ভূগি আহি দুৰাৰোগ্য ৰোগত।গোৱালপাৰা, বৰপেটা আৰু গুৱাহাটীৰ বিভিন্ন চিকিৎসালয়ত চিকিৎসা কৰিও সুফল পোৱা নাই ৰূপছান আলীয়ে।

একমাত্ৰ আৰ্থিক অভাৱৰ বাবে উন্নত চিকিৎসা কৰিব পৰা নাই ৰূপছান আলীয়ে।পৰিয়ালটোৰ একমাত্ৰ উপাৰ্জনকাৰী ৰূপছানক আৰোগ্য কৰাৰ চেষ্টা অব্যাহত ৰাখিছে পত্নী আনজুৰা বেগমে। দুটি পুত্ৰ আৰু কন্যা সন্তানৰ পিতৃ ৰূপছান আলীক উন্নত চিকিৎসাৰ বাবে আৰ্থিক অনুদান বিছাৰি ৰাইজক অনুৰোধ জনাইছে পত্নীয়ে। 6002075427 ফোন পে' নম্বৰত আৰ্থিক অনুদান বিছাৰি ৰাইজক প্ৰাৰ্থনা জনাইছে ।

হিন্দুস্থান সমাচাৰ / কিশোৰ মিশ্ৰ