কামৰূপ, ২৯ আগষ্ট (হি.স.): ৰঙিয়াত সংঘটিত হৈছে এক চাঞ্চল্যকৰ ঘটনা। একেখন ঘৰৰ দুগৰাকী বোৱাৰী নিৰুদ্দেশৰ ঘটনাক লৈ তীব্ৰ চাঞ্চল্যৰ সৃষ্টি হৈছে । ৰঙিয়া ৫ৱাৰ্ডৰ ৰেজেক আলী আৰু কনিষ্ঠ ভাতৃ ৰিজুল আলীৰ পত্নী একেদিনাই একেলগে নিৰুদ্দেশ হয়।

আঢ়ৈ বছৰীয়া কন্য সন্তান আৰু পত্নীক ঘৰত থৈ এমাহপূৰ্বে ৰেজেক আলীয়ে মহাৰাষ্ট্ৰলৈ গৈছিল । দুয়োগৰাকী বোৱাৰীয়ে তিনিটাকৈ সন্তান এৰি পলায়ন কৰা ঘটনাক তীব্ৰ গৰিহণা দিয়ে অঞ্চলবাসীয়ে। ৰেজেক আলীৰ মাতৃৰ অভিযোগ অনুসৰি মোৱাইল ফোনত সঘনাই ব্যস্ত থাকে ৰেজেক আলীৰ পত্নী।ঘটনা সন্দৰ্ভত স্বামীৰ পৰিয়ালৰ লোকে ৰঙিয়া থানাত এজাহাৰ দাখিল কৰে। দুয়োগৰাকী পত্নীৰ সন্ধান অতি সোনকালেই উলিয়াবলৈ ৰঙিয়াৰ আৰক্ষীক অনুৰোধ কৰে স্বামীৰ পৰিয়ালে।

হিন্দুস্থান সমাচাৰ / কিশোৰ মিশ্ৰ