কামৰূপ, ২৯ আগষ্ট (হি.স.): হাজোৰ সুৰেন দাস মহাবিদ্যালয়ে আজি উদযাপন কৰিলে ৪৬ সংখ্যক প্ৰতিষ্ঠা দিৱস। হাজোৰ অগ্ৰনী শিক্ষানুষ্ঠান সুৰেন দাস মহাবিদ্যালয়ৰ গৌৰৱোজ্বল এই সোণালী ক্ষনত দেখা গ'ল আনন্দমুখৰ পৰিৱেশ।

প্ৰতিষ্ঠা দিৱস উপলক্ষে বিভিন্ন কাৰ্যসুচীৰ মাজতে অনুষ্ঠিত হোৱা মুকলি সভাত অংশগ্ৰহণ কৰে ভট্টদেৱ বিশ্ববিদ্যালয়ৰ উপাচাৰ্য ধনপতি ডেকাৰ লগতে শৈক্ষিক ক্ষেত্ৰৰ লগত জৰিত বিভিন্ন ব্যক্তিয়ে। এই মুকলি সভাতে নিউজ লেটাৰ (NEWS LETTER) শীৰ্ষক বাৰ্ষিক খতিয়ান গ্ৰন্থ এখনিও উন্মোচন কৰে মহাবিদ্যালয় কৰ্তৃপক্ষই। মুকলি সভাত বিগত দিনত মহাবিদ্যালয় খনে নাক (NAAC) পৰা এ গ্ৰেড (A GRADE) লাভ কৰাৰ লগতে স্বতন্ত্ৰ মহাবিদ্যালয়ৰ স্বীকৃতি পোৱাৰ ক্ষেত্ৰত বিভিন্ন জনে শুভেচ্ছামূলক ভাষণ আগবঢ়ায়।

হিন্দুস্থান সমাচাৰ / কিশোৰ মিশ্ৰ