ভোজপুৰী চিনেমাৰ ছুপাৰষ্টাৰ পৱন সিং আজিকালি বিতৰ্কৰ মাজত। শেহতীয়াকৈ ছ’চিয়েল মিডিয়াত তেওঁৰ এটা ভিডিঅ’ ক্ৰমান্বয়ে ভাইৰেল হৈ পৰিছে, য’ত তেওঁক অভিনেত্ৰী অঞ্জলি ৰাঘৱৰ সৈতে অনুচিত আচৰণ কৰা দেখা গৈছে।
কিছুদিন পূৰ্বে পৱনৰ এই কাৰ্যক লৈ অঞ্জলিয়ে অসন্তুষ্টি প্ৰকাশ কৰি ভোজপুৰী উদ্যোগ ত্যাগ কৰাৰ কথা ঘোষণা কৰিছিল আৰু ইয়াৰ বাবে তেওঁ ছ’চিয়েল মিডিয়াতো এটা ভিডিঅ’ শ্বেয়াৰ কৰিছিল। এতিয়া এই বিষয়ত পৱন সিঙৰ প্ৰতিক্ৰিয়া চৰ্চালৈ আহিছে, তেওঁ অঞ্জলিৰ ওচৰত ক্ষমা বিচাৰিছে।
পৱন সিঙে নিজৰ ইনষ্টাগ্ৰাম ষ্ট’ৰীত লিখিছে, অঞ্জলি জী, ব্যস্ততাৰ বাবে মই তোমাক লাইভত দেখা নাপালোঁ। এই বিষয়ে জানিবলৈ পাই মই বৰ দুখ পাইছিলো। আপোনাৰ প্ৰতি মোৰ কোনো ভুল উদ্দেশ্য নাছিল, কাৰণ আমি শিল্পী। ইয়াৰ পিছতো যদি মোৰ কোনো আচৰণত আপুনি আঘাত পাইছে, তেন্তে মই হৃদয়ৰ পৰা ক্ষমা বিচাৰিছো।
পৱনৰ ক্ষমা বিচৰাৰ লগে লগে অঞ্জলি ৰাঘৱেও তেওঁৰ প্ৰতিক্ৰিয়া প্ৰকাশ কৰে। অঞ্জলি ৰাঘৱে তেওঁৰ হৈ লিখিছে, পৱন সিং জীয়ে তেওঁৰ ভুল মানি লৈ ক্ষমা বিচাৰিছে। তেওঁ মোতকৈ জ্যেষ্ঠ আৰু জ্যেষ্ঠ শিল্পী... মই তেওঁক ক্ষমা কৰি দিছো। মই এই বিষয়টো আৰু আগুৱাই নিব নিবিচাৰো। জয় শ্ৰী ৰাম।
মন কৰিবলগীয়া যে অঞ্জলি এগৰাকী বিখ্যাত হাৰিয়ানৱী নৃত্যশিল্পী, অভিনেত্ৰী আৰু মডেল। বহু ছুপাৰহিট হাৰিয়ানৱী সংগীত এলবামত কাম কৰি আহিছে। 'চন্দ্ৰৱাল দেখুংগী' আৰু 'গিৰে য়ে আনছু' আদি গীতেৰে প্ৰচণ্ড জনপ্ৰিয়তা লাভ কৰে।
हिन्दुस्थान समाचार / আলোক চক্ৰৱৰ্তী
