ধুবুৰী, ৩০আগষ্ট (হি.স.)। চাপৰৰ বহলপুৰত ভয়ংকৰ পথ দুৰ্ঘটনা। বহলপুৰ কোকৰাঝাৰ সংযোগী পথত সংঘটিত হয় উক্ত দুৰ্ঘটনা। ছয়চকীয়া ট্ৰাক আৰু ই-ৰিক্সাৰ মুখামুখি সংঘৰ্ষ। ফলত গুৰুতৰভাৱে আহত ই-ৰিক্সাৰ চালক সহ এটা পৰিয়ালৰ চাৰিজনকৈ যাত্ৰী। আহতৰ ভিতৰত আছে দুটিকৈ শিশু ইয়াৰে এজন ২ মহীয়া কেঁচুৱা।
প্ৰথম অৱস্থাত বহলপুৰ স্বাস্থ্য কেন্দ্ৰত প্ৰাৰম্ভিক চিকিৎসা প্ৰদান কৰে যদিও পিছলৈ উন্নত চিকিৎসাৰ বাবে বঙাইগাঁও লৈ প্ৰেৰণ। আহত লোক সকল ক্ৰমে চালক মনোৱাৰ হুছেইন (২৭)। আনহাতে একেটা পৰিয়ালৰ নুৰ আলম শ্বেখ (৩০) মিনাৰা ছুলতানা (২২) সাহিনা পাৰবিন (৩ বছৰ) মহিদ আহমেদ (২ মহীয়া) বুলি জানিব পৰা গৈছে।
আহত পৰিয়ালৰ ঘৰ বঙাইগাঁও জিলাৰ ধনতোলা বুলি জানিবলৈ দিয়ে। দুৰ্ঘটনাগ্ৰস্থ ট্ৰাকখনৰ নম্বৰ কেএ ০১ এএফ ৮০৭০। উল্লেখযোগ্য যে জৰাজীৰ্ণ পথৰ বাবে উক্ত দুৰ্ঘটনাটো সংঘটিত হয়।
হিন্দুস্থান সমাচাৰ / Narayan Kar
