–পুথিভঁৰাললৈ ২৫ হাজাৰ টকাৰ গ্ৰন্থ প্ৰদান –প্ৰতিবছৰে প্ৰদান কৰিব এই বঁটা
শোণিতপুৰ, ৩০ আগষ্ট (হি.স.)। অকাল মৃত্যুক সাৱটি লোৱা তেজপুৰ বিশ্ববিদ্যালয়ৰ এগৰাকী অধ্যাপকৰ সোঁৱৰণত আজি তেজপুৰৰ নিকটৱৰ্তী হলেশ্বৰ উচ্চতৰ মাধ্যমিক বিদ্যালয়ৰ পাঁচগৰাকীকৈ মেধাৱী শিক্ষাৰ্থীক নগদ ধনৰ বঁটাৰে উদ্বুদ্ধ কৰে । উল্লেখ্য যে ,হলেশ্বৰ গাঁও নিবাসী অৱসৰ প্ৰাপ্ত শিক্ষক কমল চন্দ্ৰ বৰা আৰু ৰুণী বৰাৰ সুযোগ্য সন্তান ড° প্ৰাঞ্জল বৰাৰ আকস্মিক বিয়োগত হলেশ্বৰ বাসীয়ে হেৰুৱালে এক মেধাবী ছাত্ৰ ৷ শ’লমৰাৰ কেন্দ্ৰীয় বিদ্যালয়ৰ পৰা বিজ্ঞান শাখাত সুখ্যাতিৰে উৰ্ত্তীন হৈ ড০ প্ৰাঞ্জল বৰাই পঞ্জাব বিশ্ববিদ্যালয়ৰ পৰা ইঞ্জিনীয়াৰ ডিগ্ৰী লাভকৰি অৰুণাচলৰ নেৰিষ্টৰ পৰা B Tech আৰু M tech লগতে PHD ডিগ্ৰী লাভ কৰে৷ মৃত্যুৰ সময়ত তেখেতে তেজপুৰ বিশ্ববিদ্যালয়ত জেআৰএফ প্ৰবক্তা হিচাবে কাম কৰি আছিল৷ তেখেতৰ স্মৃতি যুগমীয়া কৰি ৰাখিবৰ বাবে হলেশ্বৰ উচ্চতৰ মাধ্যমিক বিদ্যালয়ৰ পৰা ২০২৫ বৰ্ষত উচ্চ মাধ্যমিক আৰু উচ্চতৰ মাধ্যমিক পৰীক্ষাত সৰ্বোচ্চ নম্বৰ প্ৰাপ্ত শিক্ষাৰ্থী পাঁচ গৰাকীক আজি এক গাম্ভীৰ্যপূৰ্ণ সভাত পুৰস্কাৰ প্ৰদান কৰে৷
সভাখনত প্ৰয়াত প্ৰাঞ্জল বৰাৰ পিতৃ কমল চন্দ্ৰ বৰা, মাতৃ ৰুণী বৰা, ভনিয়েক নুপুৰ বৰা, খুড়ীয়েক আৰু পৰিয়ালৰ বহুকেইজন ব্যক্তিৰ লগতে হলেশ্বৰ গাঁৱৰ বহু গুনমুগ্ধ শুভাকাক্ষী উপস্থিত থাকে৷ উ্চ্চ মাধ্যমিক পৰীক্ষাত হলেশ্বৰ উ্চ্চ মাধ্যমিক বিদ্যালয়ৰ ভিতৰত সৰ্বোচ্চ নম্বৰ প্ৰাপ্ত ক্ৰমে উদীপ্ত বৰাক এখন প্ৰমান পত্ৰ সহ ৫০০০টকাৰ এককালীন মাননি, জিন্টী মনি বৰাক এখন প্ৰমান পত্ৰ আৰু ৪০০০ টকাৰ মাননি, জয়াশ্ৰী শৰ্মা আৰু অকিতা বৰুৱাক প্ৰমান পত্ৰ সহ ৩০০০ টকাৰ মাননি আগবঢ়ায় ৷ উচ্চতৰ মাধ্যমিক শাখাত সৰ্বোচ্চ নম্বৰ প্ৰাপ্ত সুশাংকৰ গুৱালাক প্ৰমান পত্ৰ সহ ৪০০০ টকাৰ মাননি আগবঢ়ায় ৷
প্ৰয়াত ড° প্ৰাঞ্জল বৰাৰ পিত্ কমল চন্দ্ৰ বৰাই ছাত্ৰ-ছাত্ৰী সকলক উদ্দেশ্যী দিয়া ভাষনত উল্লেখ কৰে যে এই বঁটা তেখেতে প্ৰতি বছৰে প্ৰদান কৰি থাকিব আৰু সকলো শিক্ষাৰ্থীৰ সহায় হোৱাকৈ ২৫০০০ টকাৰ কিতাপ বিদ্যালয়ৰ পুথিভঁৰাললৈ আগবঢ়াব ৷ সভাত বিদ্যালয়ৰ প্ৰাক্তন শিক্ষক হৰিনাৰায়ন সিং, দ্বীপেন নাথ অধ্যক্ষ অৰুণ কুমাৰ সিং, শিক্ষয়িত্ৰী গায়ত্ৰী দেবী বৰঠাকুৰ আদি ব্যক্তি সকলে মতামত প্ৰদান কৰি সকলোকে আকৰ্ষিত কৰি তোলে ৷
হিন্দুস্থান সমাচাৰ / সমীৰ কাৰ
