নতুন দিল্লী, ৩০ আগষ্ট (হি.স.)। দিল্লী প্ৰিমিয়াৰ লীগ (ডিপিএল)ৰ দক্ষিণ দিল্লী ছুপাৰষ্টাৰ আৰু পশ্চিম দিল্লী লায়ন্সৰ মাজত শনিবাৰে অনুষ্ঠিত হোৱা খেলখনত ভাৰতীয় খেলুৱৈ নীতিশ ৰানাকে ধৰি পাঁচজন ক্ৰিকেটাৰক মেচ মাচুলৰ ৩০ৰ পৰা ১০০ শতাংশ জৰিমনা বিহা হৈছে।

শুকুৰবাৰে পশ্চিম দিল্লী লায়ন্সৰ অধিনায়ক নীতিশ ৰানাৰ বিস্ফোৰক শতকেৰে দলটোক ডি পি এলৰ দ্বিতীয় কোৱালিফায়াৰত প্ৰৱেশ কৰাত সহায় কৰে। অৰুণ জেটলী ষ্টেডিয়ামত খেলা এলিমিনেটৰত দক্ষিণ দিল্লী ছুপাৰষ্টাৰছক ৭ উইকেটত পৰাস্ত কৰে। খেলখনৰ সময়ত নীতিশ ৰাণা আৰু দিগবেশ ৰাথীৰ মাজত বিবাদৰ সৃষ্টি হয়, য’ত আন বহু খেলুৱৈয়ে হস্তক্ষেপ কৰে।

সৰ্বোচ্চ শাস্তি লাভ কৰিছে পশ্চিম দিল্লী লায়ন্সৰ কৃষ্ণ যাদৱে। খেলৰ সময়ত অশ্লীল ভাষা ব্যৱহাৰ কৰাৰ লগতে আচৰণ বিধি উলংঘা কৰাৰ বাবে তেওঁক মেচ মাচুলৰ ১০০ শতাংশ জৰিমনা বিহা হৈছে।

ডি পি এলৰ এক বিবৃতিত কোৱা হৈছে যে, “মেচৰ সময়ত বিপক্ষ খেলুৱৈয়ে তেওঁক গালি-গালাজ কৰাৰ লগতে খেলুৱৈজনৰ ফালে বেট আঙুলিয়াই দিয়াৰ বাবে কৃষ যাদৱক আচৰণ বিধিৰ ২.৩ (স্তৰ ২) ধাৰা অনুসৰি তেওঁৰ মেচ মাচুলৰ ১০০ শতাংশ জৰিমনা বিহা হৈছে।”

একে সময়তে নীতিশ ৰাণাক ধাৰা ২.৬ (স্তৰ-১)ৰ অধীনত মেচ মাচুলৰ ৫০ শতাংশ জৰিমনা বিহা হৈছে। মেচৰ সময়ত তেওঁ অশ্লীল ইংগিত দিছিল। ইয়াৰ উপৰিও অমন ভাৰতীক ২.৩ (লেভেল-১) ধাৰাত দোষী সাব্যস্ত হোৱাৰ লগতে মেচ মাচুলৰ ৩০ শতাংশ জৰিমনা বিহা হৈছে। খেলৰ সময়ত তেওঁৰ বিৰুদ্ধে অশ্লীল ভাষা ব্যৱহাৰ কৰাৰ অভিযোগ। ২.৫ (লেভেল-১) ধাৰা উলংঘা কৰাৰ বাবে সুমিত মাথুৰক গোচৰ ৰুজু কৰা হৈছিল আৰু তেওঁৰ মেচ মাচুলৰ ৫০ শতাংশ জৰিমনা বিহা হৈছে। তেওঁ প্ৰৰোচনামূলক বুলি বিবেচিত শব্দ আৰু ইংগিত ব্যৱহাৰ কৰিছিল।

এই চাৰিজনৰ উপৰিও দিগবেশ ৰাথী (দক্ষিণ দিল্লী ছুপাৰষ্টাৰ)ক খেলৰ মনোভাৱৰ বিপৰীত আচৰণৰ বাবে ২.২ (স্তৰ ২) অনুচ্ছেদৰ অধীনত আচৰণ বিধি উলংঘা কৰাৰ বাবে মেচ মাচুলৰ ৮০ শতাংশ জৰিমনা বিহা হৈছে।

हिन्दुस्थान समाचार / Manoj Kumar Saikia