শিৱসাগৰ, ৩০ আগষ্ট (হি.স.)। নাজিৰাত মেজিক আৰু ই-ৰিক্সা চালকৰ সংঘাট তুংগত। মেজিক চলাচল বন্ধ কৰি প্ৰতিবাদ ই-ৰিক্সা চালকৰ বিৰুদ্ধে।
আজি কিছু দিনৰ পৰা ই-ৰিক্সা চালক সকলে গ্ৰাম্যাঞ্চলৰ পৰিৱৰ্তে নগৰ অঞ্চলতো চলাচল কৰাৰ লগতে শিৱসাগৰ পৰ্যন্ত যাত্ৰী তুলি নি মেজিক চালক সকলক পেটে ভাত মাৰিছে । ই-ৰিক্সা সমূহ গ্ৰাম্যাঞ্চলত চলাচল কৰাৰ অনুমতি থকাৰ বিপৰিতে নগৰ অঞ্চলতো চলাচল কৰাৰ ফলত মেজিক চালক সকলৰ পৰিয়াল ভৰণ - পোষণকে ধৰি বাহনৰ ইনষ্টলমেন্ট পৰিশোধ কৰাৰ ক্ষেত্ৰত ব্যাপক সমস্যাৰ সন্মূখীন হৈছে ।
মেজিক চালক আৰু ই-ৰিক্সা চালকৰ মাজত সৃষ্টি হোৱা সংঘাট আজি নাজিৰাত বৰ্হিপ্ৰকাশ ঘটে । আজি নাজিৰা নগৰত মেজিক চালক সকলে তেওঁলোকৰ গাড়ী চলাচল বন্ধ কৰি ই-ৰিক্সা চালকৰ বিৰুদ্ধে প্ৰতিবাদ সাব্যস্ত কৰে । মেজিক চালক সকলৰ এনে প্ৰতিবাদৰ ফলত শিৱসাগৰ অথবা আন আন স্থানলৈ যাত্ৰা কৰা যাত্ৰীসকল সমস্যাৰ সন্মূখীন হয় ।
হিন্দুস্থান সমাচাৰ / নিৰ্মলেন্দু