কাঠমাণ্ডু, ১৩ আগষ্ট (হি.স.)। শাসকীয় দল নেপালী কংগ্ৰেছৰ প্ৰভাৱশালী নেতা তথা প্ৰাক্তন বৈদেশিক মন্ত্ৰী এন পি ছাউদে নেপাল চৰকাৰৰ প্ৰস্তাৱিত ফোন টেপিং বিধেয়কক লৈ তীব্ৰ আপত্তি প্ৰকাশ কৰিছে। ফোন টেপিং বিল আইনত পৰিণত হ’লে সংবিধানৰ আত্মাক উলংঘা কৰাৰ লগতে ব্যক্তিৰ গোপনীয়তাৰ অধিকাৰ খৰ্ব হ’ব বুলিও কৈছে ছাউদে।
এন পি ছাউদে যুক্তি দিছিল যে যি আইন চোৰাংচোৱা বিভাগে কোনো ব্যক্তিৰ ব্যক্তিগত জীৱন ৰেকৰ্ড, সংৰক্ষণ বা টেপ কৰিবলৈ অনুমতি দিয়ে, যাৰ নাম আৰু কামত স্বচ্ছতাৰ অভাৱ, স্বাধীনতাৰ পোষকতা কৰা সাংবিধানিক প্ৰতিষ্ঠানৰ ভাবমূৰ্তি গুৰুতৰভাৱে ক্ষতিগ্ৰস্ত কৰিব পাৰে। তেওঁ কয় যে বাহ্যিক চোৰাংচোৱাৰ কাম আৰু আভ্যন্তৰীণ সুৰক্ষাৰ নামত তথ্য সংগ্ৰহ কৰা গুৰুত্বপূৰ্ণ সংস্থাসমূহক নিজৰ অধিকাৰক্ষেত্ৰৰ বাহিৰত ন্যায়িক নিয়ন্ত্ৰণ অবিহনে ব্যক্তিগত জীৱনত প্ৰৱেশৰ আইনী অধিকাৰ প্ৰদান কৰাটো ব্যক্তিগত স্বাধীনতা উলংঘা কৰা হৈছে।
হিন্দুস্থান সমাচাৰ / মনোজ কুমাৰ শইকীয়া
