কলকাতা, ৩১ জুলাই (হি.স.)। ৰাষ্ট্ৰপতি দ্ৰৌপদী মুৰ্মুৱে বুধবাৰে নিশা হাওৰাৰ বিখ্যাত দক্ষিণেশ্বৰ কালি মন্দিৰত উপস্থিত হৈ প্ৰাৰ্থনা কৰে। সন্ত ৰামকৃষ্ণ পৰমহংসই এই মন্দিৰত পুৰোহিত হিচাপে সেৱা আগবঢ়াইছিল।

দৰ্শনৰ সময়ত ৰাষ্ট্ৰপতিয়ে মা কালিৰ চৰণত প্ৰসাদ আগবঢ়োৱাৰ লগতে আৰতিতো অংশগ্ৰহণ কৰে। তেওঁ ধূপকাঠি আৰু পঞ্চ প্ৰদীপ জ্বলাই দেৱীক আমন্ত্ৰণ জনাইছিল। মন্দিৰৰ পূজাৰী সকলৰ সহযোগত অনুষ্ঠিত হোৱা পূজাৰ প্ৰতি ৰাষ্ট্ৰপতিগৰাকীয়ে গভীৰ বিশ্বাস ব্যক্ত কৰে।

পূজাৰ অন্তত ৰাষ্ট্ৰপতি মুৰ্মুৱে মন্দিৰৰ ঐতিহাসিক ঐতিহ্যৰ তথ্য লয়। ৰাণী ৰসমানীয়ে প্ৰতিষ্ঠা কৰা প্ৰায় দুশ বছৰীয়া এই মন্দিৰ কমপ্লেক্সৰ ইতিহাস আৰু সাংস্কৃতিক গুৰুত্ব তেওঁ অনুধাৱন কৰিছিল। হুগলী নদীৰ পূব পাৰত অৱস্থিত এই মন্দিৰটোৱে বংগৰ আধ্যাত্মিক জীৱনত এক বিশেষ স্থান লাভ কৰিছে।

ইয়াৰ পূৰ্বে নদিয়া জিলাৰ কল্যাণীত অৱস্থিত সৰ্বভাৰতীয় চিকিৎসা বিজ্ঞান প্ৰতিষ্ঠান (এইমছ)ৰ প্ৰথম সমাৱৰ্তন অনুষ্ঠানত ৰাষ্ট্ৰপতিগৰাকীয়ে ভাষণ প্ৰদান কৰে।

হিন্দুস্থান সমাচাৰ / মনোজ কুমাৰ শইকীয়া