গেলেফু, ২৮ জুলাই (হি.স.)। চিৰাং জিলাৰ গাতে লাগি থকা চুবুৰীয়া ৰাষ্ট্ৰ ভুটানৰ গেলেফু চহৰত আজি এক ভয়ংকৰ অগ্নিকাণ্ডৰ ঘটনা সংঘটিত হৈছে । চিৰাং জিলাৰ ভাৰত-ভূটান আন্তৰ্জাতিক সীমান্তৰ দাদগিৰিৰ পৰা ভুটানৰ গেলেফু চহৰৰ প্ৰৱেশদ্বাৰৰ সমীপতে নৱনিৰ্মিত ইমিগ্ৰেচন কাৰ্য্যলয় গৃহত সংঘটিত হৈছে এই ভয়ংকৰ অগ্নিকাণ্ডৰ ঘটনা ।

নিৰ্মাণকাৰ্য্য চলি থকা অৱস্থাতেই খুব সম্ভৱ বৈদ্যুতিক বিজুতিৰ বাবেই এই অগ্নিকাণ্ড সংঘটিত হোৱা বুলি প্ৰাথমিক ভাবে অনুমান কৰা হৈছে । অগ্নিকাণ্ডৰ ঘটনাত কোনো লোক হতাহত হৈছে নে নাই এই সন্দৰ্ভত জানিব পৰা হোৱা নাই । ভুটানৰ অগ্নিনিৰ্ব্বাপন বাহিনীৰ দলে জুঁই নিৰ্বাপন কৰিবলৈ কামত লাগি আছে । আজিৰ অগ্নিকাণ্ডৰ ঘটনাৰ পিছত ভুটানলৈ ভাৰতীয় পৰ্য্যটকৰ প্ৰৱেশ সাময়িক ভাবে বন্ধ ৰাখিছে ।

হিন্দুস্থান সমাচাৰ / প্ৰকাশ ডেকা