body{font-family:Arial,sans-serif;font-size:10pt;}.cf0{font-family:Nirmala UI,sans-serif;font-size:14pt;}.pf0{}নতুন দিল্লী, ২৬ জুলাই (হি.স.)। ৱাশ্বিংটনৰ বিজনেছ ইনটেলিজেন্স আৰু ডাটা এনালাইটিক্স কোম্পানী মৰ্নিং কনছাল্টৰ শেহতীয়া সমীক্ষা প্ৰতিবেদনত প্ৰধানমন্ত্ৰী নৰেন্দ্ৰ মোডীক বিশ্বৰ আটাইতকৈ জনপ্ৰিয় গণতান্ত্ৰিক নেতা বুলি অভিহিত কৰিছে। আনহাতে আমেৰিকাৰ ৰাষ্ট্ৰপতি ড’নাল্ড ট্ৰাম্প অষ্টম আৰু ইটালীৰ প্ৰধানমন্ত্ৰী জৰ্জিয়া মেল’নি দশম স্থানত আছে।

২০২৫ চনৰ জুলাই মাহৰ কোম্পানীটোৰ শেহতীয়া সমীক্ষা প্ৰতিবেদন অনুসৰি প্ৰধানমন্ত্ৰী মোদীয়ে ৭৫ শতাংশ লোকৰ অনুমোদন ৰেটিং লাভ কৰিছে। ০৪ৰ পৰা ১০ জুলাইৰ ভিতৰত কৰা এই সমীক্ষাত ২০খনতকৈও অধিক দেশৰ নেতাৰ ৰেটিং অন্তৰ্ভুক্ত কৰা হৈছিল। এই প্ৰতিবেদনক লৈ দেশৰ সকলো নেতাই সুখ প্ৰকাশ কৰিছে।

কেন্দ্ৰীয় বাণিজ্য আৰু উদ্যোগ মন্ত্ৰী পীযুষ গোৱেলে প্ৰধানমন্ত্ৰী মোডীক বিশ্বৰ আটাইতকৈ বিশ্বাসযোগ্য নেতা বুলি অভিহিত কৰি কয় যে এয়া ভাৰতৰ ক্ৰমবৰ্ধমান বিশ্বব্যাপী উচ্চতাৰ প্ৰমাণ। মৰ্নিং কনছাল্ট গ্ল’বেল লিডাৰ এপ্ৰ’ভেল ৰেটিং ট্ৰেকাৰৰ তথ্য অনুসৰি প্ৰধানমন্ত্ৰী মোডী বিশ্বৰ আটাইতকৈ বিশ্বাসযোগ্য নেতা হৈয়েই আছে।

কেন্দ্ৰীয় বন্দৰ, জাহাজ আৰু জলপথ বিভাগৰ মন্ত্ৰী সৰ্বানন্দ সোণোৱালে প্ৰধানমন্ত্ৰী মোডীৰ এই জনপ্ৰিয়তাক দেশৰ এক বিলিয়নতকৈও অধিক জনসাধাৰণৰ সমৰ্থন আৰু বিশ্বৰ সকলো ঠাইতে প্ৰধানমন্ত্ৰী মোডীৰ প্ৰভাৱৰ সৈতে শক্তিশালী আৰু নিৰ্ণায়ক নেতৃত্বত ভাৰতৰ উত্থানৰ সৈতে সংযোগ কৰি কয় যে পুনৰবাৰ প্ৰধানমন্ত্ৰী মোডীয়ে বিশ্বৰ আটাইতকৈ বিশ্বাসযোগ্য আৰু সৰ্বোচ্চ ৰেটিং পোৱা নেতা হিচাপে আত্মপ্ৰকাশ কৰিছে।

কেন্দ্ৰীয় পথ পৰিবহণ আৰু ঘাইপথ বিভাগৰ ৰাজ্যিক মন্ত্ৰী হৰ্ষ মালহোত্ৰাই প্ৰধানমন্ত্ৰী মোডীৰ নেতৃত্বৰ ক্ষমতাক অনন্য বুলি অভিহিত কৰি কয় যে এয়া জনসাধাৰণৰ বিশ্বাসৰ সবল নিশ্চয়তা। তেওঁ কয় যে সীমান্তৰ সিপাৰে প্ৰশংসিত তেওঁৰ নেতৃত্বই আত্মবিশ্বাস জগাই তোলে, উন্নয়ন ত্বৰান্বিত কৰে আৰু ভাৰতৰ বিশ্বব্যাপী মৰ্যাদা উন্নীত কৰে।

বিজেপিৰ ৰাষ্ট্ৰীয় তথ্য আৰু প্ৰযুক্তি বিভাগৰ ভাৰপ্ৰাপ্ত অমিত মালবিয়াই প্ৰধানমন্ত্ৰী মোডীৰ নেতৃত্বত ভাৰতক সুৰক্ষিত হাতত বুলি বৰ্ণনা কৰি কয় যে এক বিলিয়নতকৈও অধিক ভাৰতীয়ৰ প্ৰিয় আৰু বিশ্বৰ লাখ লাখ লোকৰ সন্মানীয় প্ৰধানমন্ত্ৰী মোদীয়ে পুনৰবাৰ মৰ্নিং কনছাল্ট গ্ল’বেল লিডাৰ এপ্ৰ’ভেল ট্ৰেকাৰত শীৰ্ষস্থান দখল কৰিছে। তেওঁ প্ৰধানমন্ত্ৰী মোডীক সমগ্ৰ বিশ্বৰ সৰ্বোচ্চ ৰেটিং পোৱা আৰু আটাইতকৈ বিশ্বাসযোগ্য নেতা বুলি অভিহিত কৰে।

উল্লেখযোগ্য যে চলিত বৰ্ষৰ ৪ৰ পৰা ১০ জুলাইৰ ভিতৰত কৰা এক সমীক্ষা অনুসৰি প্ৰধানমন্ত্ৰী মোদীয়ে ৭৫ শতাংশ সমৰ্থন লাভ কৰি বিশ্বৰ নেতাসকলৰ ভিতৰত প্ৰথম স্থান দখল কৰিছে। তেওঁ আন বিশিষ্ট নেতাতকৈ বহু আগবাঢ়ি আছে। এই তালিকাত দক্ষিণ কোৰিয়াৰ লি জে-ম্যুং ৫৯ শতাংশ, আৰ্জেণ্টিনাৰ জেভিয়াৰ মিলেই ৫৭ শতাংশ আৰু কানাডাৰ মাৰ্ক কাৰ্নি ৫৬ শতাংশৰে চতুৰ্থ স্থানত আছে। আমেৰিকাৰ ৰাষ্ট্ৰপতি ড’নাল্ড ট্ৰাম্পে ৪৪ শতাংশ সমৰ্থন লাভ কৰি অষ্টম স্থানত থকাৰ বিপৰীতে ইটালীৰ প্ৰধানমন্ত্ৰী জৰ্জিয়া মেল’নিয়ে ৪০ শতাংশ ৰেটিং লাভ কৰি দশম স্থানত আছে।

हिन्दुस्थान समाचार / মনোজ কুমাৰ শইকীয়া