পুৰুষৰ শেষ চাৰিটাত শ্বেল্টন আৰু ডি মিনাউৰ
ৱাশ্বিংটন, ২৬ জুলাই (হি.স.)। ডিচি অ’পেনৰ ছেমি ফাইনেলত প্ৰৱেশ কৰিছে ব্ৰিটেইনৰ এমা ৰাডুকানুৱে। ২০২১ চনৰ ইউ এছ অ’পেন চেম্পিয়ন হোৱাৰ পিছত এইখনেই তেওঁৰ আটাইতকৈ ডাঙৰ প্ৰতিযোগিতা, য’ত তেওঁ শেষ চাৰিটাত প্ৰৱেশ কৰিছে। শুকুৰবাৰে অনুষ্ঠিত হোৱা মহিলাৰ একক কোৱাৰ্টাৰ ফাইনেলত ৰাডুকানুৱে গ্ৰীচৰ মাৰিয়া ছাকাৰীক ৬-৪, ৭-৫ ব্য়ৱধানত পৰাস্ত কৰে।
গৰম আৰু আৰ্দ্ৰ দিনত (তাপমাত্ৰা ৩২ ডিগ্ৰী চেলছিয়াছ অতিক্ৰম কৰিলে) দ্বিতীয় ছেটত ২-৫ ব্য়ৱধানত পিছ পৰি থকাৰ পিছত ৰাডুকানুৱে মেডিকেল টাইমআউট ল’বলগীয়া হৈছিল। ইয়াৰ পিছতো একেৰাহে পাঁচখন খেলত জয়লাভ কৰি মেচখনত জয়লাভ কৰে।
মেচৰ পিছত ৰাডুকানুৱে কয় যে, মই সাধাৰণতে গৰমত ভালেই আছো, কিন্তু আজি মই বহুত সংগ্ৰাম কৰিবলগীয়া হৈছিল। মোৰ অন্যতম কঠিন মেচ আছিল। দ্বিতীয় ছেটত মই অলপ অস্থিৰ অনুভৱ কৰিছিলো, কিন্তু মই সুখী যে মই মেচখন ষ্ট্ৰেইট ছেটত শেষ কৰিব পাৰিলোঁ। মহিলা শাখাত কানাডাৰ লেইলা ফাৰ্নাণ্ডেজেও ছেমি ফাইনেলত প্ৰৱেশ কৰে। ২০২১ চনৰ ইউ এছ অ’পেনৰ ফাইনেলত ৰাডুকানুৰ প্ৰতিদ্বন্দ্বী লেইলাহে কোৱালিফায়াৰত টেইলৰ টাউনচেণ্ডক ৬-৪, ৭-৬ (৪) ব্য়ৱধানত পৰাস্ত কৰিছিল। ছেমি ফাইনেলত তৃতীয় ছিড আৰু ২০২২ চনৰ উইম্বলডন চেম্পিয়ন এলেনা ৰাইবাকিনাৰ বিৰুদ্ধে খেলিব, যিয়ে মাগডেলেনা ফ্ৰেচক ৬-৩, ৬-৩ ব্য়ৱধানত পৰাস্ত কৰিছিল।
এতিয়া ৰাডুকানুৰ ছেমি ফাইনেল মেচত চতুৰ্থ ছিড ক্লাৰা টছনক ৬-৩, ৭-৫ ব্য়ৱধানত পৰাস্ত কৰি আন্না কালিনস্কায়াৰ বিৰুদ্ধে হ’ব।
পুৰুষৰ শাখাতো ৰোমাঞ্চকৰ মেচ
পুৰুষৰ একক শাখাত আমেৰিকাৰ বেন শ্বেল্টনে একেৰাহে দ্বিতীয় বছৰৰ বাবে ডিচি অ’পেনৰ ছেমি ফাইনেলত প্ৰৱেশ কৰিছে। অল আমেৰিকান কোৱাৰ্টাৰ ফাইনেলত তেওঁ ফ্ৰান্সিছ টিয়াফ’ক ৭-৬ (২), ৬-৪ ব্য়ৱধানত পৰাস্ত কৰে। শ্বেল্টনে প্ৰথম চাৰ্ভ পইণ্টৰ ৯০ শতাংশ লাভ কৰি ঘণ্টাত ১৪৬ মাইল বেগত নৱম এছৰে মেচখন সমাপ্ত কৰে।
চতুৰ্থ ছিড শ্বেল্টনে এতিয়া শনিবাৰে শীৰ্ষ ছিড টেইলৰ ফ্ৰিট্জ বা দ্বাদশ ছিড আলেজান্দ্ৰ’ ডেভিড’ভিচ ফ’কিনাৰ বিৰুদ্ধে খেলিব।
আন পুৰুষৰ ছেমিফাইনেলত সপ্তম ছিড এলেক্স ডি মিনাউৰ আৰু ফ্ৰান্সৰ ক’ৰেন্টিন মৌটেৰ মাজত অনুষ্ঠিত হ’ব। ডি মিনাউৰে ব্ৰেণ্ডন নাকাছিমাক ৬-৪, ৬-৪ ব্য়ৱধানত পৰাস্ত কৰাৰ বিপৰীতে মৌটে ২০২১ চনৰ ইউ এছ অ’পেন বিজয়ী ডেনিল মেডভেডেভক ১-৬, ৬-৪, ৬-৪ ব্য়ৱধানত পৰাস্ত কৰে। তৃতীয় ছেটৰ সময়ত আকাশত বজ্ৰপাতৰ বাবেও মেচখনে প্ৰায় এঘণ্টাৰ বিৰতি ল’বলগীয়া হৈছিল।
ডিচি অ’পেনৰ ছেমি ফাইনেল এতিয়া আৰু অধিক ৰোমাঞ্চকৰ হ’ব বুলি আশা কৰা হৈছে, য’ত যুৱ তাৰকা আৰু অভিজ্ঞ খেলুৱৈৰ মুখামুখি হ’ব ৷
हिन्दुस्थान समाचार / মনোজ কুমাৰ শইকীয়া
