নতুন দিল্লী, ২৫ জুলাই (হি.স.)। বিদেশী প্ৰতিষ্ঠানিক বিনিয়োগকাৰীয়ে শ্বেয়াৰ বজাৰত বিক্ৰী আৰু খাৰুৱা তেলৰ মূল্য বৃদ্ধিৰ বাবে আজি ডলাৰৰ বিপৰীতে টকাৰ মূল্য হ্ৰাস পোৱাৰ লগে লগে বন্ধ হয়। মুদ্ৰা বজাৰত আজি ভাৰতীয় মুদ্ৰা ডলাৰৰ বিপৰীতে ১০ পইচা বা ০.১২ শতাংশ হ্ৰাস পাই ৮৬.৫২ (অস্থায়ী)ত বন্ধ হয়। ইয়াৰ পূৰ্বে যোৱা ব্যৱসায়িক দিন অৰ্থাৎ বৃহস্পতিবাৰে ভাৰতীয় মুদ্ৰাৰ মূল্য প্ৰতি ডলাৰত ৮৬.৪২ টকাত বন্ধ হয়।

দুৰ্বলতাৰে আজিৰ টকাৰ ব্যৱসায় আৰম্ভ হৈছিল। আন্তঃবেংক বৈদেশিক মুদ্ৰাৰ বজাৰত ভাৰতীয় মুদ্ৰাৰ মূল্য ১৭ পইচা দুৰ্বলতাৰে আজি পুৱা ৮৬.৫৯ টকাত ব্যৱসায় আৰম্ভ হয়। দিনটোৰ ব্যৱসায়ৰ সময়ত ডলাৰৰ চাহিদা বৃদ্ধি পোৱাৰ লগে লগে টকা আৰু ৪ পইচা পিছলি ৮৬.৬৩ৰ স্তৰত উপনীত হয় যদিও ইয়াৰ পিছত মুদ্ৰাৰ বজাৰত ডলাৰৰ প্ৰবাহ বৃদ্ধি পোৱাৰ লগে লগে টকাৰ অৱস্থা কিছু উন্নত হয়। ডলাৰৰ চাহিদা হ্ৰাস পোৱাৰ বাবে কিছুদিনৰ বাবে দিনটোৰ নিম্নতম স্তৰৰ পৰা ১৭ পইচা উত্থান ঘটাই ৮৬.৪৬ৰ স্তৰত উপনীত হয়। কিন্তু পিছলৈ যেতিয়া মুদ্ৰাৰ বজাৰত ডলাৰৰ চাহিদা আকৌ এবাৰ বৃদ্ধি পালে, তেতিয়া টকাই ৮৬.৫২ৰ স্তৰত ১০ পইচাৰ দুৰ্বলতাৰে আজিৰ ব্যৱসায়ৰ অন্ত পেলায়।

বজাৰ বিশেষজ্ঞসকলে কয় যে বিদেশী প্ৰতিষ্ঠানিক বিনিয়োগকাৰীয়ে আজি একেৰাহে পঞ্চম দিন ভাৰতীয় শ্বেয়াৰ বজাৰত প্ৰচুৰ পৰিমাণে বিক্ৰী কৰি নিজৰ ধন উলিয়াই থাকিল। ইয়াৰ বাবেই মুদ্ৰা বজাৰত ডলাৰৰ চাহিদা প্ৰভাৱিত হৈছিল। ইয়াৰ সমান্তৰালকৈ বিশ্বৰ বজাৰত চলি থকা অস্থিৰতাইও আজি ভাৰতীয় মুদ্ৰা দুৰ্বল কৰি তোলাত গুৰুত্বপূৰ্ণ ভূমিকা পালন কৰিছিল। টিএনভি ফাইনেন্সিয়েল চাৰ্ভিচেছৰ চিইঅ’ তৰ্কেশ্বৰ নাথ বৈষ্ণৱৰ মতে, আন্তঃৰাষ্ট্ৰীয় বজাৰত খাৰুৱা তেলৰ মূল্যবৃদ্ধিয়েও আজি টকাৰ ওপৰত হেঁচা ৰাখিছে, যাৰ প্ৰভাৱ আজি মুদ্ৰা বজাৰত ডলাৰৰ মূল্য বৃদ্ধিৰ ৰূপত দেখা গ’ল।

আজি ডলাৰৰ বিপৰীতে ভাৰতীয় মুদ্ৰাৰ টকা নিশ্চিতভাৱে দুৰ্বল হ’ল যদিও আজিৰ দিনত আন বেছিভাগ প্ৰধান আন্তঃৰাষ্ট্ৰীয় মুদ্ৰাৰ বিপৰীতে ই শক্তিশালী ৰূপ দেখুৱালে। আজিৰ ব্যৱসায়ৰ পাছত ৫৯ পইচা হ্ৰাস পাই ব্ৰিটিছ পাউণ্ড (জিবিপি)ৰ বিপৰীতে ১১৬.৪৭ৰ স্তৰত উপনীত হয়। একেদৰে আজি ইউৰোৰ বিপৰীতে ২ পইচা বৃদ্ধি পাই ১০১.৫২ৰ স্তৰত উপনীত হয়।

হিন্দুস্থান সমাচাৰ / মনোজ কুমাৰ শইকীয়া