কাঠমাণ্ডু, ০২ জুলাই (হি.স.)। নেপাল হৈ কৈলাশ মানসৰোৱৰ যাত্ৰা আৰম্ভ হোৱাৰ প্ৰথম সপ্তাহত প্ৰায় পাঁচশ পঞ্চাশজন ভাৰতীয় ভক্ত পবিত্ৰ কৈলাশ মনসাৰৱৰ দৰ্শন কৰি উভতি আহিছে। ৫ বছৰৰ পাছত এই যাত্ৰা আৰম্ভ হোৱাৰ বাবে ভাৰতীয় ভক্তসকলৰ মাজত যথেষ্ট উৎসাহ দেখা গৈছে।
চলিত বৰ্ষৰ জুলাইৰ পৰা অক্টোবৰলৈ চীন প্ৰশাসনে প্ৰায় ২৫ হাজাৰ ভাৰতীয় ভক্তক কৈলাশ মনসাৰৱৰ ভ্ৰমণৰ অনুমতি প্ৰদান কৰিছে। কৰোনা মহামাৰীৰ পিছত চীন চৰকাৰে নেপাল-চীন সীমান্তৰ পৰা কৈলাশ মনসাৰৱৰলৈ যাত্ৰাৰ অনুমতি দিছে। ভাৰতীয় ভক্তসকলৰ বাবে পুনৰ আৰম্ভ হৈছে হিলছা চিমকোট হৈ কৈলাশ মনসাৰোৱৰ যাত্ৰা। ৫ বছৰৰ পাছত এই যাত্ৰা মসৃণ হোৱাৰ বাবে ভাৰতীয় ভক্তসকলৰ মাজত যথেষ্ট উৎসাহ দেখা গৈছে।
নেপালৰ পৰ্যটন বিভাগৰ বিষয়াসকলে জনোৱা মতে, এতিয়ালৈকে নেপালৰ ছিমকোট বিমানবন্দৰৰ পৰা হিলছা নাকা হৈ কৈলাশ মানসৰোৱৰ যাত্ৰাত যোৱা লোকৰ সংখ্যা ৫৪৬ জন হৈছেগৈ।যোৱা সপ্তাহত আৰম্ভ হোৱা এই ধৰ্মীয় তীৰ্থযাত্ৰাত এতিয়ালৈকে ২৪৮ গৰাকী মহিলা আৰু ২৯৮ গৰাকী পুৰুষ অৰ্থাৎ মুঠ ৫৪৬ গৰাকী ভাৰতীয় ভক্তই কৈলাশ মনছাৰোভাৰ ভ্ৰমণ কৰিছে। নেপালৰ বিভিন্ন ঘৰুৱা বিমান সংস্থাই বতৰ অনুকূল হ’লে নেপালগঞ্জৰ পৰা চিমকোট হৈ হিলছালৈ দিনটোত এক ডজনৰো অধিক বিমান চলাচল কৰি আছে।
ইয়াৰ বাহিৰেও প্ৰায় ২৮৯ জন লোক হেলিকপ্টাৰেৰে কৈলাশ মানসৰোৱৰ যাত্ৰালৈ গৈছে। একেদৰে শতাধিক ভাৰতীয় ভক্তেও পথেৰে কৈলাশ মনসাৰৱৰলৈ যাত্ৰাত নামিছে। খোদ ১ জুলাইত প্ৰায় ১০৩ জন ভাৰতীয় ভক্তই নেপালগঞ্জৰ পৰা চিমকোটলৈ বিমানযোগে কৈলাশ মনসাৰৱৰলৈ তীৰ্থযাত্ৰা কৰিছিল। বৰ্তমান নেপালৰ ছামিট এয়াৰ, সীতা এয়াৰ আৰু তাৰা এয়াৰ কোম্পানীয়ে নেপালগঞ্জৰ পৰা চিমকোটলৈ বিমান সেৱা চলাই আছে। বৰ্তমান সময়ত কৈলাশ হেলি চাৰ্ভিচ, মাউণ্টেন হেলি আৰু প্ৰভু এয়াৰলাইন্সৰ হেলিকপ্টাৰে ছিমকোট বিমানবন্দৰৰ পৰা হিলছালৈ যাবলৈ সেৱা আগবঢ়াইছে।
হিন্দুস্থান সমাচাৰ / মনোজ কুমাৰ শইকীয়া
