ৱাশ্বিংটন, ১৭ জুলাই (হি.স.)। আমেৰিকাৰ কংগ্ৰেছৰ উচ্চ সদন চিনেটে হোৱাইট হাউছৰ বিদেশী সাহায্য আৰু ৰাজহুৱা সম্প্ৰচাৰৰ ব্যয় সংকীৰ্ণ ব্যৱধানত কৰ্তনৰ বিধেয়ক বৃহস্পতিবাৰে পুৱা গৃহীত কৰে। চিনেটৰ এই পদক্ষেপে ৰাষ্ট্ৰপতি ড’নাল্ড ট্ৰাম্পৰ বাবে ৯.৪ বিলিয়ন ডলাৰ কৰ্তনৰ পথ মুকলি কৰি দিলে।

দ্য নিউয়ৰ্ক টাইমছৰ তথ্য অনুসৰি কংগ্ৰেছৰ ব্যয় ক্ষমতাৰ ওচৰত আত্মসমৰ্পণ কৰি ৰিপাব্লিকানসকলে ৰাষ্ট্ৰপতি ট্ৰাম্পৰ ওচৰত আত্মসমৰ্পণ কৰে। দুজন ৰিপাব্লিকান দলৰ আপত্তি সত্ত্বেও ৫১-৪৮ ভোটত এই প্ৰস্তাৱ গৃহীত হয়। দুয়োজনে যুক্তি দিছিল যে তেওঁলোকৰ দলে ফেডাৰেল পুঁজিৰ ওপৰত কংগ্ৰেছৰ সাংবিধানিক অধিকাৰ উলংঘা কৰিছে। এই প্ৰস্তাৱৰ বিৰোধিতা কৰাসকলৰ ভিতৰত আছে ৰিপাব্লিকান মেইনৰ চিনেটৰ চুজেন কলিন্স আৰু আলাস্কাৰ লিজা মুৰ্ক’ভস্কি।

এই সপ্তাহৰ শেষৰ ফালে সদনে ইয়াক চূড়ান্ত অনুমোদন দি ট্ৰাম্পলৈ স্বাক্ষৰৰ বাবে প্ৰেৰণ কৰাৰ সম্ভাৱনা আছে। এই বিধেয়কখনৰ বিতৰ্কই কংগ্ৰেছৰ পুঁজিক লৈ চলি থকা কাজিয়াখন উদঙাই দিলে। ট্ৰাম্পৰ দ্বিতীয় কাৰ্যকাল আৰম্ভ হোৱাৰ পিছৰে পৰা হোৱাইট হাউছে ফেডাৰেল ব্যয় কৰ্তনৰ বাবে কঠোৰ পদক্ষেপ গ্ৰহণ কৰিছে। বাজেট কাৰ্যালয়ৰ সঞ্চালক ৰাছেল টি ভ’টৰ নেতৃত্বত হোৱাইট হাউছৰ শীৰ্ষ বিষয়াসকলে ফেডাৰেল চৰকাৰৰ আকাৰত নিয়ন্ত্ৰণ ৰাখিবলৈ চেষ্টা কৰিছে। ফেডাৰেল খৰচৰ ওপৰত ৰাষ্ট্ৰপতিৰ সুদূৰপ্ৰসাৰী কৰ্তৃত্ব লাভৰ বহল অভিযানৰ অংশ।

ভোটদানৰ পূৰ্বে দক্ষিণ ডাকোটাৰ চিনেটৰ জন থুনে কয় যে, মই অপচয়মূলক ব্যয় বন্ধ কৰাৰ পদক্ষেপক শলাগ লৈছো। এতিয়া সময় আহি পৰিছে যে বাজেটৰ পৰা এই অপচয় কৰা ব্যয় হ্ৰাস কৰাত চেনেটে নিজৰ ভূমিকা পালন কৰিব। এইটো আৰ্থিক বিচক্ষণতাৰ দিশত এক সৰু কিন্তু গুৰুত্বপূৰ্ণ পদক্ষেপ। ভোটদানত অংশগ্ৰহণ কৰাৰ পূৰ্বে নৰ্থ কেৰ’লিনাৰ চিনেটৰ থম টিলিছক অস্বস্তিকৰ যেন দেখা গৈছিল।

ইফালে ২০ জন ৰিপাব্লিকান চিনেটৰে ভ’টৰ স্মাৰকপত্ৰত স্বাক্ষৰ কৰে। শৈক্ষিক কাৰ্যসূচীৰ প্ৰসাৰৰ বাবে কংগ্ৰেছে অনুমোদন জনোৱা প্ৰায় ৭ বিলিয়ন ডলাৰৰ পুঁজি বন্ধ কৰাৰ সিদ্ধান্ত প্ৰত্যাহাৰ কৰিবলৈ দাবী জনাইছে স্মাৰকপত্ৰখনত। স্মাৰকপত্ৰখনত উল্লেখ কৰা হৈছে যে এই ধনৰাশি বন্ধ কৰাৰ সিদ্ধান্ত ৰাষ্ট্ৰপতি ট্ৰাম্পৰ লক্ষ্যৰ বিপৰীত।

দক্ষিণ ডাকোটাৰ চিনেটৰ মাইক ৰাউণ্ডছে ইয়াৰ পূৰ্বে ইংগিত দিছিল যে ৰাজহুৱা সম্প্ৰচাৰ কৰ্তনৰ বাবে তেওঁ এই বিধেয়কখনৰ বিৰোধিতা কৰিব। শেষ মুহূৰ্তত তেওঁ কৰ্তনৰ সপক্ষে ভোট দিলে। নেটিভ পাব্লিক মিডিয়াৰ সভানেত্ৰী ল’ৰিছ টেইলৰে এই বিধেয়কখনৰ ওপৰত অসন্তুষ্টি প্ৰকাশ কৰিছে। ডেম’ক্ৰেটসকলে কংগ্ৰেছৰ সাংবিধানিক ক্ষমতাৰ অপব্যৱহাৰ কৰা হৈছে বুলি অভিযোগ উত্থাপন কৰিছে।

हिन्दुस्थान समाचार / মনোজ কুমাৰ শইকীয়া