-ভাৰতীয় দল ৱাশ্বিংটনত উপস্থিত, সোমবাৰে সন্ধিয়াৰ ভাগত দুয়োখন দেশৰ মাজত আলোচনা
নতুন দিল্লী, ১৪ জুলাই (হি.স.)। ভাৰত আৰু আমেৰিকাৰ মাজত দ্বিপাক্ষিক বাণিজ্য চুক্তি (বিটিএ) সন্দৰ্ভত আন এক ৰাউণ্ডৰ আলোচনা সোমবাৰৰ সন্ধিয়া আৰম্ভ হ’ব। ভাৰতৰ বাণিজ্য মন্ত্ৰালয়ৰ এটা দলে আলোচনাৰ বাবে ৱাশ্বিংটনত উপস্থিত হৈছে। ভাৰতৰ মুখ্য আলোচনাপন্থী তথা বাণিজ্য বিভাগৰ বিশেষ সচিব ৰাজেশ আগৰৱালাই বুধবাৰে আলোচনাত যোগদান কৰিব।
প্ৰস্তাৱিত বিটিএৰ বাবে ভাৰতৰ উপ-মুখ্য বাৰ্তাকাৰ ৱাশ্বিংটনত উপস্থিত হৈছে। ভাৰতৰ মুখ্য আলোচনাপন্থী তথা বাণিজ্য বিভাগৰ বিশেষ সচিব ৰাজেশ আগৰৱালাই বুধবাৰে আলোচনা দলত যোগদান কৰিব, বৃহস্পতিবাৰে চাৰিদিনীয়া আলোচনাৰ সামৰণি পৰিব। চলিত মাহৰ আৰম্ভণিতে ভাৰতীয় দলটো আলোচনাৰ বাবে ৱাশ্বিংটনত আছিল, য’ত ২৬ জুনৰ পৰা ২ জুলাইলৈকে আলোচনা হৈছিল। কৃষি আৰু দুগ্ধজাত সামগ্ৰীৰ ওপৰত শুল্ক ৰেহাইৰ বাবে আমেৰিকাৰ দাবীক লৈ ভাৰতে নিজৰ স্থিতি কঠোৰ কৰিছে। দুগ্ধ খণ্ডৰ মুক্ত বাণিজ্য চুক্তিত নতুন দিল্লীয়ে এতিয়াও কোনো ব্যৱসায়িক অংশীদাৰক কোনো শুল্ক ৰেহাই দিয়া নাই।
ভাৰতীয় প্ৰতিনিধি দলৰ এই ভ্ৰমণো গুৰুত্বপূৰ্ণ কাৰণ দুয়োপক্ষই কৃষি আৰু অটোম’বাইলৰ দৰে ক্ষেত্ৰত সমস্যা সমাধান কৰিব লাগিব। ভাৰতকে ধৰি বহু দেশৰ ওপৰত অতিৰিক্ত শুল্ক আৰোপ কৰাৰ প্ৰস্তাৱ ১ আগষ্টলৈ পিছুৱাই দিছে আমেৰিকাৰ ৰাষ্ট্ৰপতি ড’নাল্ড ট্ৰাম্পে।
হিন্দুস্থান সমাচাৰ / মনোজ কুমাৰ শইকীয়া
