কাছাৰ, ১৩ জুলাই (হি.স.): ড্ৰাগছৰ বিৰুদ্ধে কাছাৰ আৰক্ষীৰ অভিযান অব্যাহত আছে। পুনৰ কাছাৰত বুজন পৰিমাণৰ হেৰ’ইন সহ আৰক্ষীয়ে গ্ৰেপ্তাৰ কৰিছে এক মহিলা সৰবৰাহকাৰীক । ধৃত মহিলা গৰাকী ত্ৰিপুৰা আগৰতলাৰ বাসিন্দা প্ৰণতি দাস ।

গোপন সূত্ৰৰ ভিত্তিত কাছাৰ আৰক্ষীয়ে কাছাৰৰ অৰুণাচল ৰে’ল ষ্টেচনত কালি বিয়লি অভিযান চলাই হেৰ’ইন সহ গ্ৰেপ্তাৰ কৰে মহিলা গৰাকীক । ধৃত মহিলা গৰাকীক আৰক্ষীয়ে তলাচি চলাই ১০ টা চাবোনৰ বাকচত ১১৪ গ্ৰাম হেৰ’ইন জব্দ কৰে । যাৰ চোৰাং বজাৰ মূল্য ৫৭ লাখ টকা হ’ব বুলি সদৰি কৰিছে আৰক্ষীয়ে। কাছাৰৰ পৰা ৰে’ল যোগে হে’ৰইন খিনি আগৰতলালৈ নিয়াৰ পৰিকল্পনা আছিল বুলি জানিব পৰা গৈছে।

হিন্দুস্থান সমাচাৰ / কিশোৰ মিশ্ৰ