- যোৱা সপ্তাহত সোণৰ মূল্য ৮৮০ টকা উত্থান, ৰূপৰ মূল্য ৫ হাজাৰ টকা বৃদ্ধি
নতুন দিল্লী, ১৩ জুলাই (হি.স.)। ঘৰুৱা অলংকাৰ বজাৰত দেওবাৰে সমতল ব্যৱসায় চলে। আজি সোণ-ৰূপৰ দামৰ কোনো পৰিৱৰ্তন হোৱা নাই। মূল্যৰ কোনো পৰিৱৰ্তন নোহোৱাৰ বাবে আজি দেশৰ প্ৰায়বোৰ অলংকাৰ বজাৰত ২৪ কেৰেট সোণৰ মূল্য প্ৰতি ১০ গ্ৰামত ৯৯,৭১০ টকাৰ পৰা ৯৯,৮৬০ টকাৰ ভিতৰত ব্যৱসায় কৰা হৈছে। একেদৰে ২২ কেৰেটৰ সোণ আজি প্ৰতি ১০ গ্ৰামত ৯১,৪০০ টকাৰ পৰা ৯১,৫৫০ টকাৰ ভিতৰত বিক্ৰী কৰা হৈছে। ৰূপৰ মূল্যৰ কোনো পৰিৱৰ্তন নোহোৱাৰ বাবে আজিও দিল্লীৰ অলংকাৰ বজাৰত এই চিকচিকিয়া ধাতু প্ৰতি কেজি ১,১৫,০০০ টকাৰ মাত্ৰাত বিক্ৰী হৈ আছে।
সাপ্তাহিক ভিত্তিত সোমবাৰৰ পৰা শনিবাৰলৈ ব্যৱসায়ৰ অন্তত দেশৰ প্ৰায়বোৰ বুলিয়ন বজাৰত ২৪ কেৰেট সোণৰ মূল্য প্ৰতি ১০ গ্ৰামত ৮৮০ টকা পৰ্যন্ত শক্তিশালী হৈছে। একেদৰে ২২ কেৰেটৰ সোণো যোৱা এসপ্তাহৰ ভিতৰত প্ৰতি ১০ গ্ৰামত ৮০০ টকাকৈ ব্যয়বহুল হৈ পৰিছে। সোণৰ দৰে ৰূপৰ দামও সাপ্তাহিক ভিত্তিত শক্তিশালী হৈছে। সোমবাৰৰ পৰা শনিবাৰলৈ ৰূপৰ ব্যৱসায়ৰ পিছত প্ৰতি কেজিত ৫ হাজাৰ টকা ব্যয়বহুল হৈ পৰিছে ৰূপ।
আজি দিল্লীত ২৪ কেৰেট সোণৰ মূল্য ৯৯,৮৬০ টকা প্ৰতি ১০ গ্ৰামত বিক্ৰী হোৱাৰ বিপৰীতে ২২ কেৰেট সোণৰ মূল্য প্ৰতি ১০ গ্ৰামত ৯১,৫৫০ টকা ৰেকৰ্ড কৰা হৈছে। একে সময়তে দেশৰ বিত্তীয় ৰাজধানী মুম্বাইত ২৪ কেৰেটৰ সোণ প্ৰতি ১০ গ্ৰামত ৯৯,৭১০ টকা আৰু ২২ কেৰেটৰ সোণ প্ৰতি ১০ গ্ৰামত ৯১,৪০০ টকাত বিক্ৰী হৈছে। একেদৰে আহমেদাবাদত ২৪ কেৰেট সোণৰ খুচুৰা মূল্য প্ৰতি ১০ গ্ৰামত ৯৯,৭৬০ টকা আৰু প্ৰতি ১০ গ্ৰামত ২২ কেৰেট সোণৰ মূল্য ৯১,৪৫০ টকা। এই প্ৰধান চহৰসমূহৰ বাহিৰেও আজি চেন্নাইত ২৪ কেৰেটৰ সোণ প্ৰতি ১০ গ্ৰামত ৯৯,৭১০ টকা আৰু ২২ কেৰেটৰ সোণ ৯১,৪০০ টকাত বিক্ৰী হৈছে। কলকাতাতো ২৪ কেৰেটৰ সোণৰ মূল্য প্ৰতি ১০ গ্ৰামত ৯৯,৭১০ টকা আৰু প্ৰতি ১০ গ্ৰামত ২২ কেৰেটৰ সোণৰ মূল্য ৯১,৪০০ টকা।
লক্ষ্ণৌৰ অলংকাৰ বজাৰত আজি ২৪ কেৰেট সোণ প্ৰতি ১০ গ্ৰামত ৯৯,৮৬০ টকা আৰু ২২ কেৰেট সোণ প্ৰতি ১০ গ্ৰামত ৯১,৫৫০ টকাত বিক্ৰী হৈছে। পাটনাত ২৪ কেৰেট সোণৰ মূল্য ৯৯,৭৬০ টকা, আনহাতে ২২ কেৰেট সোণৰ মূল্য প্ৰতি ১০ গ্ৰামত ৯১,৪৫০ টকা। জয়পুৰত ২৪ কেৰেটৰ সোণ প্ৰতি ১০ গ্ৰামত ৯৯,৮৬০ টকা আৰু ২২ কেৰেটৰ সোণ প্ৰতি ১০ গ্ৰামত ৯১,৪৫০ টকাত বিক্ৰী হৈছে।
দেশৰ আন ৰাজ্যৰ দৰে আজিও কৰ্ণাটক, তেলেংগানা আৰু ওড়িশাৰ অলংকাৰ বজাৰত সোণৰ মূল্যৰ কোনো পৰিৱৰ্তন হোৱা নাই। এই তিনিখন ৰাজ্যৰ ৰাজধানী বেংগালুৰু, হায়দৰাবাদ আৰু ভুৱনেশ্বৰত আজি প্ৰতি ১০ গ্ৰামত ২৪ কেৰেটৰ সোণৰ মূল্য ৯৯,৭১০ টকা। একেদৰে এই তিনিখন চহৰৰ বুলিয়ন বজাৰত ২২ কেৰেটৰ সোণ প্ৰতি ১০ গ্ৰামত ৯১,৪০০ টকাত বিক্ৰী কৰা হৈছে।
हिन्दुस्थान समाचार / মনোজ কুমাৰ শইকীয়া
