নতুন দিল্লী, ১২ জুলাই (হি.স.)। কেন্দ্ৰীয় চৰকাৰী কৰ্মচাৰী আৰু পেঞ্চনাৰৰ দৰমহা সংশোধন কৰাৰ অৰ্থে কেন্দ্ৰীয় কেবিনেটে ইতিমধ্যে অষ্টম দৰমহা আয়োগৰ অনুমোদন জনাইছে। এই আয়োগ লক্ষ্য হৈছে এক কোটিৰো অধিক কেন্দ্ৰীয় চৰকাৰী কৰ্মচাৰী আৰু পেঞ্চনাৰৰ দৰমহা সংশোধন কৰা। অষ্টম দৰমহা আয়োগ কাৰ্যকৰী হোৱাৰ লগে লগে চৰকাৰী কৰ্মচাৰীৰ দৰমহা বৃহৎ পৰিমাণে বৃদ্ধি হ’বলৈ গৈ আছে। কৰ্মচাৰীৰ লগতে পেঞ্চনাৰৰ পেঞ্চনো বৃদ্ধি পাব। ২০২৫ চনৰ ডিচেম্বৰ মাহত সপ্তম দৰমহা আয়োগৰ অন্ত পৰিব। এনে পৰিস্থিতিত ২০২৬ চনৰ জানুৱাৰী মাহৰ পৰা ৮ম দৰমহা আয়োগ কাৰ্যকৰী হ’ব পাৰে। কিন্তু এতিয়ালৈকে চৰকাৰে এই সন্দৰ্ভত কোনো তথ্য দিয়া নাই যে কেতিয়া কাৰ্যকৰী হ’ব। কিন্তু ২০২৬–২৭ বিত্তীয় বৰ্ষৰ পৰা কেন্দ্ৰীয় চৰকাৰে নিজেই কাৰ্যকৰী কৰিব পাৰে বুলি আশা কৰা হৈছে।
অষ্টম দৰমহা আয়োগৰ পৰামৰ্শ কাৰ্যকৰী হোৱাৰ পাছত চৰকাৰী কৰ্মচাৰীৰ দৰমহা আৰু পেঞ্চন ৩০-৩৪% বৃদ্ধি হোৱাৰ সম্ভাৱনা আছে বুলি প্ৰতিবেদনত উল্লেখ কৰা হৈছে। ইফালে ৩০-৩৪% দৰমহা আৰু পেঞ্চন বৃদ্ধিৰ ফলত চৰকাৰৰ অতিৰিক্ত ১.৮ লাখ কোটি টকা খৰচ হ’ব বুলি অনুমান কৰা হৈছে বুলি প্ৰতিবেদনত উল্লেখ কৰা হৈছে।
উল্লেখযোগ্য যে ফিটমেণ্ট ফ্যাক্টৰ ব্যৱহাৰ কৰি পে কমিচনৰ জৰিয়তে দৰমহা, পেঞ্চন, আৰু ভাট্টা সামঞ্জস্য কৰা হয়। এই গুৰুত্বপূৰ্ণ বহুগুণকটোৱে চৰকাৰী কৰ্মচাৰীৰ দৰমহা আৰু পেঞ্চনৰ সিদ্ধান্ত লয়, মুদ্ৰাস্ফীতি, কৰ্মচাৰীৰ প্ৰয়োজনীয়তা, চৰকাৰৰ আৰ্থিক ক্ষমতা আদি কাৰকসমূহৰ প্ৰতি লক্ষ্য ৰাখে।
উল্লেখ্য যে অষ্টম দৰমহা আয়োগৰ পৰামৰ্শই বিভিন্ন মন্ত্ৰালয় আৰু বিভাগৰ প্ৰায় ৪৪ লাখ কেন্দ্ৰীয় চৰকাৰী কৰ্মচাৰীৰ লগতে ৬৮ লাখ পেঞ্চনাৰ, মুঠতে এক কোটিতকৈও অধিক প্ৰত্যক্ষ হিতাধিকাৰীক প্ৰত্যক্ষভাৱে উপকৃত কৰিব। উল্লেখযোগ্য যে ৪৪ লাখ কেন্দ্ৰীয় চৰকাৰৰ কৰ্মচাৰী আৰু সশস্ত্ৰ বাহিনীৰ কৰ্মীয়ে ভাৰতৰ ৬০ কোটি শ্ৰমিক শক্তিৰ ০.৭%, আৰু আনুষ্ঠানিক খণ্ডৰ প্ৰায় ৯% প্ৰতিনিধিত্ব কৰে বুলি প্ৰতিবেদনত উল্লেখ কৰা হৈছে।
হিন্দুস্থান সমাচাৰ / মনোজ কুমাৰ শইকীয়া
