আজিকালি যদি কোনো অনুষ্ঠানে সৰু পৰ্দাত সৰ্বাধিক দৃষ্টি আকৰ্ষণ কৰিছে, তেন্তে সেয়া হ’ল ‘কিউকি সাছ ভি কভি বহু থি ২’। এই আইকনিক ধাৰাবাহিকখনৰ প্ৰথম আভাসৰ পৰা আৰম্ভ কৰি ইয়াৰ চৰিত্ৰ আৰু কাহিনীলৈকে সকলো ছ’চিয়েল মিডিয়াত ট্ৰেণ্ডিং হৈ আছে। দৰ্শকসকল এই অনুষ্ঠানৰ প্ৰত্যাৱৰ্তনক লৈ অতিশয় উৎসাহিত, আৰু কিয় নহয়, ২৫ বছৰৰ পিছত এই জনপ্ৰিয় অনুষ্ঠানটো নতুন শৈলীত ঘূৰি আহিছে। শেহতীয়াকৈ শ্ব’টোৰ প্ৰযোজক একতা কাপুৰে এই বিষয়ে মুকলিকৈ ক’লে আৰু কয় যে তেওঁ এইবাৰ আজিৰ সময় অনুসৰি কাহিনীটোক কেনেকৈ খাপ খুৱাবলৈ চেষ্টা কৰিছে, যাতে নতুন দৰ্শকেও প্ৰথম ছিজনত যি সংযোগ অনুভৱ কৰিছিল, সেই একেটা সংযোগ অনুভৱ কৰে।
শেহতীয়াকৈ একতা কাপুৰে ছ’চিয়েল মিডিয়াত শ্বেয়াৰ কৰিছিল যে কিয় তেওঁ কিয়কি সাছ ভি কভি বহু থিৰ দৰে এটা আইকনিক শ্ব’ ঘূৰাই অনাৰ সিদ্ধান্ত লৈছিল আৰু সেয়াও ২৫ বছৰৰ পাছত। তাই লিখিছে, যেতিয়া শ্ব'টোৰ ২৫ বছৰ সম্পূৰ্ণ হ'বলৈ ওলাইছিল আৰু ইয়াক পুনৰ আৰম্ভ কৰাৰ ধাৰণাটো আহিছিল, তেতিয়া মোৰ প্ৰথম প্ৰতিক্ৰিয়া আছিল, নাই! মই সেই পুৰণি স্মৃতিবোৰ কিয় পুনৰ জীৱিত কৰিব বিচাৰিম? মোৰ শৈশৱৰ কথা মনত পৰাৰ দৰেই সেই যুগটো মোৰ বাবে অতি বিশেষ আছিল, আৰু সদায় বিশেষ হৈ থাকিব। ইয়াক পুনৰাবৃত্তি কৰাটো সহজ নহয়।
একতা কাপুৰে আৰু লিখিছে, টিভিৰ জগতখন এতিয়া আগৰ দৰে নহয়। যিখন পৃথিৱী এসময়ত মাত্ৰ ৯খন চহৰৰ ওপৰত আধাৰিত আছিল, এতিয়া তাত থকা দৰ্শকে বিভিন্ন প্লেটফৰ্মত বিয়পি পৰা কন্টেন্ট টুকুৰা টুকুৰকৈ চাই আছে। এনে পৰিস্থিতিত প্ৰশ্ন উত্থাপন হয়, এই নতুন ৰূপটোৱে সেই ঐতিহাসিক টি আৰ পিক স্পৰ্শ কৰিব পাৰিবনে যিটো 'কিউকি' য়ে এসময়ত অৰ্জন কৰিছিল? যি টি আৰ পি যিটো আগতে কোনো শ্ব'ৱে কেতিয়াও লাভ কৰা নাছিল, আৰু পিছতো কোনেও কৰিব নোৱাৰিলে। কিন্তু টিআৰপিয়েই এই এই শ্ব'টোৰ প্ৰকৃত ঐতিহ্য আছিল? কি 'কিউকি' কেৱল এটা উচ্চ ৰেটিঙৰ শ্বো মাত্ৰ আছিল? এই শব্দবোৰৰ জৰিয়তে একতাই কেৱল শ্বটো উভতি অহাৰ বিষয়ে প্ৰশ্ন উত্থাপন কৰা নাই, কিন্তু ইয়াৰ গভীৰতা আৰু ঐতিহ্যকো নতুনকৈ পৰিৰ্দেশনা দিয়াৰ চেষ্টা কৰিছে। ‘কিউকি সাছ ভি কভি বহু থি’ মাত্ৰ এটা ডেইলি চোপ নাছিল, ই ভাৰতীয় ঘৰৰ মহিলাসকলক প্ৰথমবাৰৰ বাবে এটা শক্তিশালী স্বৰ দিছিল। ২০০০ চনৰ পৰা ২০০৫ চনৰ ভিতৰত এইটোৱেই আছিল প্ৰথমবাৰৰ বাবে যেতিয়া মহিলাসকলে ঘৰত গুৰুত্বপূৰ্ণ সিদ্ধান্ত আৰু কথা-বতৰাৰ অংশ হ’বলৈ আৰম্ভ কৰিছিল। এই অনুষ্ঠানটো কেৱল ভাৰতবৰ্ষতে সীমাবদ্ধ নাছিল, বৰঞ্চ ইয়ে দেশৰ কাহিনী কোৱাৰ পৰম্পৰা সমগ্ৰ বিশ্বলৈ প্ৰসাৰিত কৰে। যদিও ই ঘৰুৱা নিৰ্যাতন, বয়সৰ বিষয়ে সামাজিক ঠাট্টা-মস্কৰা, আনকি ইচ্ছা মৃত্যু আদিৰ দৰে স্পৰ্শকাতৰ বিষয়বোৰকো ড্ৰয়িং ৰুমৰ কথা-বতৰাৰ অংশ কৰি তুলিছিল। এয়াই আছিল সেই কাহিনীৰ প্ৰকৃত ঐতিহ্য, পৰিৱৰ্তনৰ আৰম্ভণি।
শেহতীয়াকৈ মেকাৰসকলে শ্ব’টোৰ প্ৰথমটো প্ৰ’ম’ মুকলি কৰিছে, য’ত বছৰ বছৰ পিছত তুলসী বিৰাণী অৰ্থাৎ স্মৃতি ইৰাণীৰ উভতি অহা দেখা গৈছে। তুলসীয়ে পুনৰ পুৰণি আৰু অতি চিনাকি শৈলীৰে দৰ্শকৰ সন্মুখলৈ আহিছে, বহু অপেক্ষাৰ অন্তত ২৯ জুলাইত ‘কিউকি সাছ ভি কভি বহু থি ২’ৰ প্ৰথম খণ্ডটো টেলিকাষ্ট হ’ব আৰু প্ৰমোটোৱে ইতিমধ্যে দৰ্শকৰ কৌতুহল শিখৰত তুলিছে।
হিন্দুস্থান সমাচাৰ / মনোজ কুমাৰ শইকীয়া
