হকী ইণ্ডিয়াৰ দীৰ্ঘম্যাদী পৰিকল্পনা হৈছে উদীয়মান প্ৰতিভাক আন্তঃৰাষ্ট্ৰীয় অভিজ্ঞতা প্ৰদান কৰা

নতুন দিল্লী, ০১ জুলাই (হি.স.)। হকী ইণ্ডিয়াই ২০২৫ চনৰ ০৮ জুলাইৰ পৰা ২০ জুলাইলৈ আগন্তুক ইউৰোপ ভ্ৰমণত অংশগ্ৰহণ কৰিবলগীয়া ইণ্ডিয়া ‘এ’ পুৰুষৰ হকী দলটো মঙলবাৰে ঘোষণা কৰে। এই ভ্ৰমণৰ সময়ছোৱাত ভাৰতীয় দলটোৱে মুঠ ৮খন মেচ খেলিব, য’ত ইউৰোপৰ কিছুমান শীৰ্ষ দলৰ বিৰুদ্ধে প্ৰত্যাহ্বানমূলক মেচ খেলিব।

এই ভ্ৰমণৰ লক্ষ্য হৈছে উদীয়মান আৰু অভিজ্ঞ খেলুৱৈৰ সংমিশ্ৰণক আন্তঃৰাষ্ট্ৰীয় পৰ্যায়ৰ অভিজ্ঞতা প্ৰদান কৰা, যাৰ ফলত ভাৰতীয় হকীৰ প্ৰতিভাৰ পাইপলাইন শক্তিশালী কৰা।

দলটোৱে আয়াৰলেণ্ড, ফ্ৰান্স আৰু নেদাৰলেণ্ডৰ বিৰুদ্ধে দুখনকৈ মেচ খেলাৰ বিপৰীতে ইংলেণ্ড আৰু বেলজিয়ামৰ বিৰুদ্ধে এখনকৈ মেচ খেলিব। এই মেচসমূহৰ জৰিয়তে যুৱ খেলুৱৈসকলৰ প্ৰতিযোগিতামূলক ক্ষমতা, ফিটনেছ আৰু কৌশলগত বুজাবুজিৰ পৰীক্ষা কৰা হ’ব।

২০ জনীয়া দলটোত ঘৰুৱা আৰু আন্তঃৰাষ্ট্ৰীয় পৰ্যায়ত ভাল প্ৰদৰ্শন কৰা বহু যুৱক-যুৱতী আৰু অভিজ্ঞ খেলুৱৈ আছে। সঞ্জয়ে দলৰ অধিনায়কত্ব, মৈৰাংথেম ৰবিচন্দ্ৰ সিঙে উপ-অধিনায়ক হিচাপে থাকিব।

শিৱেন্দ্ৰ সিং প্ৰশিক্ষক হিচাপে থাকিব-

এই ভ্ৰমণৰ সময়ত দলটোৰ প্ৰশিক্ষকৰ দায়িত্ব শিৱেন্দ্ৰ সিঙে চম্ভালিব, যি ভাৰতীয় জ্যেষ্ঠ পুৰুষ হকী দলৰ সহকাৰী প্ৰশিক্ষকও। তেওঁ আক্ৰমণাত্মক হকীৰ বিশেষজ্ঞ আৰু যুৱ খেলুৱৈক গাইড কৰাৰ অভিজ্ঞতাও আছে।

এই ভ্ৰমণৰ বিষয়ে শিবেন্দ্ৰ সিঙে কয়, এই ভ্ৰমণ আমাৰ খেলুৱৈসকলৰ বাবে ইউৰোপীয় হকীৰ টেম্পো, গঠন আৰু তীব্ৰতা বুজিবলৈ এক গুৰুত্বপূৰ্ণ মঞ্চ। আমি এনে এটা দল বাছি লৈছো যাৰ অভিজ্ঞতা আৰু সম্ভাৱনাৰ ভাৰসাম্য আছে। মই নিশ্চিত যে এই অভিজ্ঞতাই খেলুৱৈসকলক আন্তঃৰাষ্ট্ৰীয় পৰ্যায়ত অগ্ৰগতি লাভ কৰাত অতি সহায়ক হ'ব।

ইণ্ডিয়া ‘এ’ দলে অহা ৮ জুলাইত আয়াৰলেণ্ডৰ বিৰুদ্ধে প্ৰথমখন মেচ খেলিব। এই ভ্ৰমণ হকী ইণ্ডিয়াৰ দীৰ্ঘম্যাদী কৌশলৰ অংশ, যাৰ লক্ষ্য হৈছে আন্তঃৰাষ্ট্ৰীয় পৰ্যায়ৰ বাবে পৰৱৰ্তী প্ৰজন্মৰ তাৰকাক প্ৰস্তুত কৰা।

এয়া ভাৰতৰ ‘এ’ দলৰ সম্পূৰ্ণ দল: গ’লৰক্ষক: পৱন, মোহিত হন্নেনাহল্লী শচিকুমাৰ।

ডিফেণ্ডাৰ : প্ৰতাপ লক্ৰ, বৰুণ কুমাৰ, অমনদীপ লক্ৰ, প্ৰমোদ, সঞ্জয় (অধিনায়ক)।

মিডফিল্ডাৰ : পূভান্না চন্দুৰা ববি, মহম্মদ ৰাহিল মৌছিন, মইৰাংথেম ৰবিচন্দ্ৰ সিং (উপ অধিনায়ক), বিষ্ণুকান্ত সিং, প্ৰদীপ সিং, ৰাজিন্দৰ সিং।

ফৰৱাৰ্ড : অংগদবীৰ সিং, ববি সিং ধামী, মনিন্দৰ সিং, ভেংকটেশ কেঞ্চে, আদিত্য অৰ্জুন লালাগে, চেলভাম কাৰ্তি, উত্তম সিং।

ষ্টেণ্ডবাই খেলুৱৈ : অংকিত মালিক (গ’লৰক্ষক), সুনীল জোজো (ডিফেণ্ডাৰ), সুদীপ চিৰমাকো (ফৰৱাৰ্ড)।

হিন্দুস্থান সমাচাৰ / মনোজ কুমাৰ শইকীয়া