-কোম্পানীটোৰ ১২০০ কোটি টকাৰ আই পি অ’ৰ বাবে পুনৰ ডি আৰ এইচ পি দাখিল
নতুন দিল্লী, ০১ জুলাই (হি.স.)। অটো কম্পোনেণ্ট নিৰ্মাতা কোম্পানী হিৰো মটৰ্ছে প্ৰাৰম্ভিক পাব্লিক অফাৰিং (আই পি অ’)ৰ জৰিয়তে ধন সংগ্ৰহৰ বাবে ভাৰতীয় ছিকিউৰিটিজ এণ্ড এক্সচেঞ্জ ব’ৰ্ডত (ডি আৰ এইচ পি) খচৰা ৰেড হেৰিং প্ৰস্পেক্টচ (ডি আৰ এইচ পি) পুনৰ দাখিল কৰিছে। ইয়াৰ ফলত আই পি অ’ৰ আকাৰ ৯০০ কোটিৰ পৰা ১২০০ কোটিলৈ বৃদ্ধি পাইছে।
মূলধনী বজাৰ নিয়ন্ত্ৰক ছেবিৰ সন্মুখত দাখিল কৰা নথি অনুসৰি হিৰো মটৰ্ছৰ এই আই পি অ’ত ৮০০ কোটি টকা পৰ্যন্ত মূল্যৰ নতুন শ্বেয়াৰ ১০ টকাৰ ফেচ ভেলু জাৰি কৰা হ’ব আৰু ৪০০ কোটি টকা পৰ্যন্ত অফাৰ ফৰ চেল (অ’ এফ এছ) দিয়া হৈছে। অ’ এফ এছত অ’ পি মুঞ্জল হোল্ডিংছৰ ৩৯০ কোটি টকাৰ শ্বেয়াৰ আৰু ভাগ্যোদয়া ইনভেষ্টমেণ্টছ আৰু হিৰো চাইকেলছৰ ৫-৫ কোটি টকাৰ শ্বেয়াৰ অন্তৰ্ভুক্ত কৰা হৈছে।
আই পি অ’ৰ নথি অনুসৰি হিৰো মটৰ্ছ কোম্পানীৰ এই অফাৰটো বুক-নিৰ্মাণ প্ৰক্ৰিয়াৰ জৰিয়তে আগবঢ়োৱা হৈছে, য’ত অফাৰৰ ৫০ শতাংশতকৈ অধিক নহয় যোগ্য প্ৰতিষ্ঠানিক ক্ৰেতাক সমানুপাতিক ভিত্তিত আবণ্টনৰ বাবে আৰু ক্ৰমে ১৫ শতাংশ আৰু ৩৫ শতাংশতকৈ কম নহয় অপ্ৰতিষ্ঠানিক নিবিদাকাৰী আৰু খুচুৰা ব্যক্তিগত বিনিয়োগকাৰীক আবণ্টনৰ বাবে উপলব্ধ হ’ব।
অটো কম্পোনেণ্ট নিৰ্মাতা কোম্পানী হিৰো মটৰ্ছৰ শ্বেয়াৰৰ নতুন ইছ্যুৰ পৰা সংগ্ৰহ কৰা ধনৰাশি ২৮৫ কোটি টকা কোম্পানীটোৰ কিছুমান বাকী থকা ঋণ পৰিশোধ কৰিবলৈ ব্যৱহাৰ কৰা হ’ব। ইয়াৰ লগতে কোম্পানীটোৰ গৌতম বুদ্ধ নগৰ, উত্তৰ প্ৰদেশৰ সুবিধাৰ ক্ষমতা বৃদ্ধিৰ বাবে প্ৰয়োজনীয় সঁজুলি ক্ৰয়ৰ জৰিয়তে মূলধনী ব্যয়ৰ বাবে, অপ্ৰকাশিত অধিগ্ৰহণ আৰু অন্যান্য কৌশলগত পদক্ষেপ আৰু সাধাৰণ কৰ্পৰেট উদ্দেশ্যৰ জৰিয়তে অজৈৱিক বৃদ্ধিৰ বিত্তীয় সাহায্যৰ বাবে ২৩৭ কোটি টকা ব্যৱহাৰ কৰা হ’ব।
হিৰো মটৰ্ছ ভাৰতৰ অন্যতম আগশাৰীৰ অটোমোটিভ টেকন’লজি কোম্পানী। বিশেষকৈ দুচকীয়া বাহনৰ বাবে ইঞ্জিন আৰু ট্ৰেন্সমিছনৰ উপাদান নিৰ্মাণ কৰে কোম্পানীটোৱে। কোম্পানীটোৱে আমেৰিকা, ইউৰোপ, ভাৰত আৰু আছিয়ান অঞ্চলৰ অটোমোটিভ অৰিজিনেল ইকুইপমেণ্ট নিৰ্মাতা (ওইএম)সকলক পাৱাৰট্ৰেইন সমাধান প্ৰদান কৰে। হিৰো মটৰ্ছ হিৰো মট’কৰ্পৰ অংশ নহয় বৰঞ্চ এটা সুকীয়া কোম্পানী।
হিন্দুস্থান সমাচাৰ / মনোজ কুমাৰ শইকীয়া
