মুম্বাই, ৩০ জুন (হি.স.)। শক্তিশালী অৰ্থনৈতিক নীতিৰ বাবে দেশৰ অৰ্থনীতি বিশ্ব বিকাশৰ এক প্ৰধান কেন্দ্ৰ হৈয়ে আছে। অৰ্থনৈতিক আৰু বাণিজ্য নীতিৰ ক্ৰমবৰ্ধমান অনিশ্চয়তাই বিশ্ব অৰ্থনীতি আৰু বিত্তীয় ব্যৱস্থাৰ শক্তি পৰীক্ষা কৰি আছে। বিশ্বৰ অনিশ্চয়তাৰ মাজতো বেংক আৰু কোম্পানীসমূহৰ শক্তিশালী বেলেন্স শ্বীটৰ বাবে ভাৰতৰ বিত্তীয় ব্যৱস্থা সুস্থিৰ।
ভাৰতীয় ৰিজাৰ্ভ বেংকে সোমবাৰে প্ৰকাশ কৰা দ্বিবাৰ্ষিক বিত্তীয় স্থিতিশীলতা প্ৰতিবেদনত কয় যে বিত্তীয় বজাৰসমূহত বিশেষকৈ নীতি আৰু ভূ-ৰাজনৈতিক পৰিৱৰ্তনৰ বাবে প্ৰভাৱিত হোৱা মূল চৰকাৰী বণ্ড বজাৰত অস্থিৰতা অব্যাহত আছে। ইয়াৰ লগতে উচ্চ মাত্ৰাৰ ৰাজহুৱা ঋণ আৰু উচ্চ সম্পত্তিৰ মূল্যৰ দৰে বৰ্তমানৰ দুৰ্বলতাই নতুন সংকট বৃদ্ধি কৰিব পাৰে। কেন্দ্ৰীয় বেংকে কয় যে বিশ্বৰ অৰ্থনৈতিক পৰিস্থিতি অনিশ্চিত আৰু প্ৰত্যাহ্বানমূলক। ইয়াৰ পিছতো শক্তিশালী অৰ্থনৈতিক ভিত্তি আৰু বুদ্ধিমানৰূপে নিৰ্মিত নীতিৰ বাবে ভাৰতীয় অৰ্থনীতি বিশ্ব বৃদ্ধিৰ এক প্ৰধান শক্তি হৈয়েই আছে। বেংকৰ ঋণৰ বৃদ্ধি ৪.৯ শতাংশলৈ লেহেমীয়া হৈছে.
ৰিজাৰ্ভ বেংকে জনোৱা মতে, ৩০ মে’ত সমাপ্ত হোৱা পষেকটোত বেংকৰ ঋণৰ বৃদ্ধিৰ গতি মন্থৰ হৈছে। এই সময়ছোৱাত উদ্যোগলৈ বেংকৰ ঋণ ৪.৯ শতাংশ বৃদ্ধি পোৱাৰ বিপৰীতে যোৱা বছৰৰ একে সময়ছোৱাত ৮.৯ শতাংশ বৃদ্ধি পাইছে। ৪১টা নিৰ্বাচিত অনুসূচিত বাণিজ্যিক বেংক (এছচিবি)ৰ পৰা লাভ কৰা তথ্যৰ ভিত্তিত ২০২৫ চনৰ মে’ মাহৰ বেংক ক্ৰেডিটৰ তথ্য প্ৰকাশ কৰিছে আৰ বি আইয়ে। এই ঋণ সকলো বাণিজ্যিক বেংকে দিয়া মুঠ অখাদ্য ঋণৰ প্ৰায় ৯৫ শতাংশ।
মাৰ্চ মাহত বেংকৰ মুঠ এনপিএ ২.৩ শতাংশ
সোমবাৰে প্ৰকাশ কৰা প্ৰতিবেদনত আৰ বি আইয়ে কয় যে ২০২৫ চনৰ মাৰ্চ মাহত বেংকিং ব্যৱস্থাৰ মুঠ নন-পাৰফৰ্মিং এচেটছ (জি এন পি এ) দশকৰ নিম্নতম ২.৩ শতাংশলৈ নামি আহিছে।আৰ বি আইয়ে প্ৰকাশ কৰা প্ৰতিবেদন অনুসৰি ২০২৪ চনৰ ছেপ্টেম্বৰ মাহত বেংকৰ জি এন পি এ ২.৬ শতাংশ আছিল।ৰিজাৰ্ভ বেংকৰ ডেৰ বছৰীয়া বিত্তীয় স্থিতিশীলতা প্ৰতিবেদনত কোৱা হৈছে যে ৪৬টা বেংকৰ জি এন পি এ ২০২৭ চনৰ মাৰ্চ মাহৰ ভিতৰত ২.৬ শতাংশলৈ বৃদ্ধি পাব পাৰে ।
উল্লেখযোগ্য যে ভাৰতীয় ৰিজাৰ্ভ বেংকৰ গৱৰ্ণৰ সঞ্জয় মালহোত্ৰাই আজি প্ৰকাশ কৰা এক বিবৃতিত কয় যে মূল্যৰ সুস্থিৰতাৰ দৰে অৰ্থনৈতিক বিকাশৰ বাবেও বিত্তীয় স্থিতিশীলতা প্ৰয়োজনীয়।
হিন্দুস্থান সমাচাৰ / মনোজ কুমাৰ শইকীয়া
