- ব্যাপক ক্ষতিৰ বাবে পাকিস্তানৰ হাতত যুদ্ধবিৰতিৰ বাহিৰে আন কোনো বিকল্প নাছিল
নতুন দিল্লী, ০৩ জুন (হি.স.)। ‘সিন্দুৰ’ অভিযানৰ সময়ত ভাৰতীয় সশস্ত্ৰ বাহিনীয়ে সেই পাকিস্তানী লক্ষ্যকো লক্ষ্য কৰি লৈছিল, যিবোৰৰ বিষয়ে ভাৰতীয় বায়ুসেনা বা ডিজিএমঅ’ই বিমান আক্ৰমণৰ পিছত কোৱা নাছিল। ১৮ মে’ত বহু দেশত দাখিল কৰা ড’ছিয়াৰত পাকিস্তানে স্বীকাৰ কৰিছে যে অপাৰেচন সিন্দুৰত পাকিস্তানত ভাৰতীয় ক্ষেপণাস্ত্ৰ আৰু ড্ৰ’নে বহু বেছি ক্ষতিসাধন কৰিছে। ড’ছিয়াৰত স্পষ্টকৈ দেখা গৈছে যে ভাৰতে পেছাৱৰ, ঝাং, সিন্ধৰ হায়দৰাবাদ, গুজৰাণৱালা, বাহাৱালনগৰ, আটক আৰু পঞ্জাৱৰ চ’ৰত আক্ৰমণ কৰিছিল।
পাকিস্তানৰ এটা চৰকাৰী ড'ছিয়াৰত প্ৰকাশ পাইছে যে ভাৰতে নিজৰ উল্লেখিত লক্ষ্যতকৈ কমেও ৭টা অধিক লক্ষ্যত আক্ৰমণ চলাইছিল। ড’ছিয়াৰৰ মানচিত্ৰত সিন্ধৰ পেছাৱৰ, ঝাং, হায়দৰাবাদ, গুজৰাণৱালা, বাহাৱালনগৰ, আটটক আৰু পঞ্জাৱৰ চ’ৰ আদি অঞ্চলত আক্ৰমণৰ ঘটনা দেখুওৱা হৈছে। এই স্থানসমূহৰ নাম ভাৰতীয় বায়ুসেনা বা সামৰিক অভিযানৰ সঞ্চালক প্ৰধানে বিগত মাহত বিমান আক্ৰমণৰ পিছত সংবাদমেলত উল্লেখ কৰা নাছিল। নতুন প্ৰকাশৰ তথ্যই দেখুৱাইছে যে ভাৰতে স্বীকাৰ কৰাতকৈ বহু গভীৰভাৱে আঘাত কৰিছিল। সেইবাবেই পাকিস্তানে ভাৰতৰ সৈতে যোগাযোগ কৰি অপাৰেচন সিন্দুৰ বন্ধ কৰিবলৈ যুদ্ধবিৰতিৰ অনুৰোধ জনায়।
পেহেলগাম সন্ত্ৰাসবাদী আক্ৰমণত বিধৱা হোৱা ২৬ গৰাকী পৰ্যটকৰ বৈবাহিক জীৱন হেৰুওৱাৰ কথা মনত ৰাখি ৬/৭ মে’ৰ মাজনিশা ভাৰতে ‘অপাৰেচন সিন্দুৰ’ আৰম্ভ কৰে। ভাৰতে সীমান্ত পাৰ নোহোৱাকৈ পাকিস্তান আৰু পিঅ’কেত থকা ৯টা সন্ত্ৰাসবাদী শিবিৰত হামাৰ, স্কেলপ আৰু মিছাইলেৰে আক্ৰমণ কৰি জইছ-ই-মহম্মদ, লস্কৰ-ই-টাইবা আৰু হিজবুল মুজাহিদীনৰ আত্মগোপন স্থান ধ্বংস কৰে। ভাৰতেও এই সন্দৰ্ভত বিমান আক্ৰমণৰ পিছত আনুষ্ঠানিক তথ্য দিছিল। মেক্সাৰ টেকন’লজিছেও অপাৰেচন ‘সিণ্ডুৰ’ৰ সময়ত নিৰ্দিষ্ট আক্ৰমণৰ ফলত হোৱা ক্ষতিৰ কথা প্ৰকাশ কৰা উপগ্ৰহৰ ছবিও প্ৰকাশ কৰিছিল যদিও এতিয়া পাকিস্তানৰ ড’ছিয়াৰৰ পৰা নতুন নতুন প্ৰকাশ পাইছে।
ভাৰতে কৈছিল যে বাহাৱালপুৰৰ জয়ছ-ই-মহম্মদৰ মুখ্য কাৰ্যালয় আৰু মুৰিদকেত থকা লস্কৰ-ই-তৈবাৰ প্ৰশিক্ষণ কেন্দ্ৰকে ধৰি ৯টা স্থানত পাকিস্তান দখল কৰা কাশ্মীৰৰ (পিঅ'কে) সন্ত্ৰাসবাদী আন্তঃগাঁথনিৰ বিৰুদ্ধে আক্ৰমণ কৰা হৈছে। ৭ মে’ৰ আক্ৰমণত লক্ষ্য কৰি লোৱা আন স্থানসমূহ হ’ল মুজাফ্ফৰাবাদ, কোটলি, ৰাৱালকোট, চাকশ্বৰী, ভীম্বাৰ, নীলম উপত্যকা, ঝেলুম আৰু চাকৱাল। ইয়াৰ উপৰিও নূৰ খান, ৰফিকি, মুৰিদ, চুক্কুৰ, ছিয়ালকোট, পাছৰুৰ, চুনিয়ান, সৰগোধা, স্কাৰু, ভোলাৰী আৰু জেকবাবাদকে ধৰি এঘাৰটা বিমান ঘাটিক লক্ষ্য কৰি লোৱা হয়। এই বৃহৎ লোকচানৰ ফলত পাকিস্তানে যুদ্ধবিৰতি আহ্বান কৰাৰ বাহিৰে আন কোনো বিকল্প নাছিল, যাৰ ফলত তিনিদিনীয়া উত্তেজনাৰ অন্ত পৰিল।
পাকিস্তানৰ ড’ছিয়াৰত এতিয়া প্ৰকাশ পাইছে যে ভাৰতে স্বীকাৰ কৰাতকৈ বহু গভীৰ আৰু কঠোৰ আক্ৰমণ আছিল। পাকিস্তানী ড’ছিয়াৰৰ মানচিত্ৰত দেখা গৈছে যে ৭ মে’ৰ প্ৰতিশোধমূলক আক্ৰমণৰ পিছত ভাৰতীয় বায়ুসেনা বা সামৰিক অভিযানৰ সঞ্চালক প্ৰধানে প্ৰেছ ব্রিফিঙত উল্লেখ কৰা নাছিল যে সিন্ধৰ পেছাৱৰ, ঝাং, হায়দৰাবাদ, পঞ্জাৱৰ গুজৰাট, গুজৰাণৱালা, বাহাৱালনগৰ, আটক আৰু চ’ৰ আদি বৃহৎ চহৰত ভাৰতীয় আক্রমণৰ কথা ৷ পাকিস্তানে ‘অপাৰেচন সিন্দুৰ’ৰ সময়ত ড্ৰ’ন আক্ৰমণত নিজৰ কেইবাটাও বিমান ঘাটিৰ ক্ষতিৰ তথ্যও দিছে। ড’ছিয়াৰত অতিৰিক্ত কমেও ৮টা ভাৰতীয় বিমান আক্ৰমণৰ কথা উল্লেখ আছে, যিবোৰৰ বিষয়ে পূৰ্বে ভাৰতীয় প্ৰতিৰক্ষা বিষয়াই প্ৰকাশ কৰা নাছিল।
हिन्दुस्थान समाचार / মনোজ কুমাৰ শইকীয়া
