- ডাছল্ট এভিয়েশনৰ টাটা এডভান্সড চিষ্টেমছৰ সৈতে চাৰিটা প্ৰডাকচন ট্ৰেন্সফাৰ চুক্তিত স্বাক্ষৰ

নতুন দিল্লী, ০৫ জুন (হি.স.)। প্ৰথমবাৰৰ বাবে ফ্ৰান্সৰ বাহিৰত নিৰ্মাণ কৰা হ’ব ৰাফেলৰ বডি (ফিউজেজ)। ইয়াৰ বাবে ফ্ৰান্সৰ কোম্পানী ডাছল্ট এভিয়েশনে টাটা এডভান্সড চিষ্টেমছৰ সৈতে অংশীদাৰিত্ব কৰিছে। ভাৰতত প্ৰথমবাৰৰ বাবে হায়দৰাবাদত ৰাফেলৰ বডি উৎপাদনৰ বাবে এটা প্লাণ্ট স্থাপন কৰা হ’ব। দুয়োটা কোম্পানীয়ে ভাৰতত ৰাফেল যুদ্ধ বিমানৰ ফিউজেজ নিৰ্মাণৰ বাবে চাৰিটা প্ৰডাকচন ট্ৰেন্সফাৰ চুক্তিত স্বাক্ষৰ কৰিছে।

ডাছল্ট এভিয়েশনৰ মতে, এই উদ্যোগটোৱে ভাৰতৰ মহাকাশ আন্তঃগাঁথনিত এক উল্লেখযোগ্য বিনিয়োগক প্ৰতিনিধিত্ব কৰিব। এই অংশীদাৰিত্বৰ পৰিসৰত হায়দৰাবাদত টাটা এডভান্সড চিষ্টেমছৰ সৈতে এটা অত্যাধুনিক উৎপাদন সুবিধা স্থাপন কৰা হ’ব যাতে ৰাফেলৰ মূল গাঁথনিগত অংশ নিৰ্মাণ কৰা হ’ব, য’ত পিছফালৰ বডিৰ কাষৰ খোলা, সমগ্ৰ পিছফালৰ অংশ, কেন্দ্ৰীয় বডি আৰু সন্মুখৰ অংশ অন্তৰ্ভুক্ত কৰা হ’ব। ২০২৮ বিত্তীয় বৰ্ষত প্ৰথমটো ফিউজেজ ছেকচন এছেম্বলি লাইনৰ পৰা ৰোল অফ হোৱাৰ সম্ভাৱনা আছে আৰু প্ৰতিমাহে দুটা সম্পূৰ্ণ বডি উৎপাদন হোৱাৰ সম্ভাৱনা আছে।

ডাছ’ল্ট এভিয়েশনৰ সভাপতি তথা মুখ্য কাৰ্যবাহী বিষয়া এৰিক ট্ৰেপিয়াৰে কয় যে প্ৰথমবাৰৰ বাবে ফ্ৰান্সৰ বাহিৰত ৰাফেলৰ বডি নিৰ্মাণ কৰা হ’ব। ভাৰতত আমাৰ যোগান শৃংখল শক্তিশালী কৰাৰ ক্ষেত্ৰত এয়া এক নিৰ্ণায়ক পদক্ষেপ। এই যোগান শৃংখলে ভাৰতীয় মহাকাশ উদ্যোগৰ অন্যতম মূল খেলুৱৈ টাটা এডভান্সড চিষ্টেমছকে ধৰি আমাৰ স্থানীয় অংশীদাৰসকলৰ বাবে ৰাফেল উৎপাদনত অৰিহণা যোগাব। আমাৰ সমৰ্থন গুণগত মান আৰু প্ৰতিযোগিতামূলক ক্ষমতাৰ প্ৰয়োজনীয়তা পূৰণৰ প্ৰচেষ্টা হ’ব। এই অংশীদাৰিত্বৰ লক্ষ্য হৈছে বিশ্ব মহাকাশ যোগান শৃংখলৰ মূল খেলুৱৈ হিচাপে ভাৰতৰ স্থিতি শক্তিশালী কৰা।

টাটা এডভান্সড চিষ্টেমছ লিমিটেডৰ মুখ্য কাৰ্যবাহী বিষয়া তথা পৰিচালন সঞ্চালক সুকৰণ সিঙে কয় যে এই অংশীদাৰিত্ব ভাৰতৰ মহাকাশ যাত্ৰাৰ এক গুৰুত্বপূৰ্ণ পদক্ষেপ। ভাৰতত সমগ্ৰ ৰাফেল ফিউজেজৰ উৎপাদনে টাটা এডভান্সড চিষ্টেমছৰ সামৰ্থ্যৰ ওপৰত ক্ৰমবৰ্ধমান আস্থা আৰু ডাছল্ট এভিয়েশনৰ সৈতে আমাৰ সহযোগিতাৰ শক্তি বৃদ্ধি কৰিব। ইয়াৰ উপৰিও ভাৰতৰ আধুনিক, শক্তিশালী মহাকাশ উৎপাদন পৰিৱেশ তন্ত্ৰ প্ৰতিষ্ঠা কৰা, বিশ্বব্যাপী মঞ্চসমূহক সমৰ্থন কৰা উল্লেখযোগ্য অগ্ৰগতিৰ প্ৰতিফলন ঘটে। এই চুক্তিখনে ভাৰতৰ ‘মেক ইন ইণ্ডিয়া’ আৰু আত্মনিৰ্ভৰশীল পদক্ষেপৰ প্ৰতি দাসল্ট এভিয়েশনৰ দৃঢ় দায়বদ্ধতাক প্ৰতিফলিত কৰে।

ডাছল্ট এভিয়েশনে যোৱা শতিকাত ৯০খনতকৈও অধিক দেশলৈ ১০ হাজাৰতকৈ অধিক সামৰিক আৰু অসামৰিক বিমান (২৭০০খন ফেলকনকে ধৰি) যোগান ধৰিছে। কোম্পানীটোৱে সকলো ধৰণৰ বিমানৰ ডিজাইন, উৎপাদন, বিক্ৰী আৰু সমৰ্থনৰ ক্ষেত্ৰত বিশ্বব্যাপী স্বীকৃতিপ্ৰাপ্ত বিশেষজ্ঞতা লাভ কৰিছে। একেদৰে টাটা এডভান্সড চিষ্টেমছ লিমিটেড ভাৰতৰ মহাকাশ আৰু প্ৰতিৰক্ষা সমাধানৰ বাবে এক গুৰুত্বপূৰ্ণ কোম্পানী। ই এতিয়ালৈকে এৰোষ্ট্ৰাকচাৰ আৰু এৰো ইঞ্জিন, এয়াৰবৰ্ণ প্লেটফৰ্ম আৰু চিষ্টেম নিৰ্মাণ কৰিছে। কোম্পানীটোৰ আগশাৰীৰ বিশ্বব্যাপী মহাকাশ আৰু প্ৰতিৰক্ষা প্ৰতিষ্ঠানসমূহৰ সৈতে অংশীদাৰিত্ব আৰু যৌথ উদ্যোগৰ এক শক্তিশালী পৰ্টফলিঅ’ আছে।

হিন্দুস্থান সমাচাৰ / মনোজ কুমাৰ শইকীয়া