ব্ৰাজিলিয়া (ব্ৰাজিল), ০৩ জুন (হি.স.)। পাকিস্তানৰ সন্ত্ৰাসবাদৰ বিৰুদ্ধে ভাৰতক মুকলিকৈ সমৰ্থন কৰাৰ প্ৰতিশ্ৰুতি পুনৰবাৰ ব্ৰাজিলে প্ৰকাশ কৰিছে। কংগ্ৰেছৰ সাংসদ শশী থাৰুৰৰ নেতৃত্বত ভাৰতীয় সংসদীয় সৰ্বদলীয় প্ৰতিনিধি দলৰ সদস্যসকলে ব্ৰাজিলৰ নেতাসকলক সাক্ষাৎ কৰিছে। ইয়াৰ মাজতে ভাৰতৰ অপাৰেচন সিন্দুৰৰ শেহতীয়া পৰিস্থিতিৰ বিষয়ে ব্ৰাজিলৰ শীৰ্ষ নেতৃত্বক অৱগত কৰা হয়।

এই প্ৰতিনিধি দলৰ সদস্য বিজেপিৰ সাংসদ তেজস্বী সূৰ্য্যই কয় যে ব্ৰাজিলৰ নেতাসকলে ভাৰতৰ সন্ত্ৰাসবাদ বিৰোধী প্ৰচেষ্টা অপাৰেচন সিন্দুৰৰ প্ৰতি স্পষ্ট সমৰ্থন প্ৰকাশ কৰাৰ লগতে পাকিস্তানৰ সীমাৰ সিপাৰৰ সন্ত্ৰাসবাদক গৰিহণা দিয়ে। এই প্ৰতিনিধি দলটোৱে ব্ৰাজিলৰ সংসদৰ অধ্যক্ষ, ভাৰপ্ৰাপ্ত বৈদেশিক মন্ত্ৰী আৰু ভাৰত-ব্ৰাজিল বন্ধুত্ব গোটৰ সাংসদসকলক সাক্ষাৎ কৰিছে। ব্ৰাজিলৰ নেতাসকলে আশ্বাস দিয়ে যে ব্ৰাজিল ভাৰতৰ বন্ধু আৰু ভৱিষ্যতেও বন্ধুত্ব বজাই ৰাখিব।

সূৰ্য্যই কয় যে ভাৰতৰ বাবে এয়া এক ডাঙৰ কথা। লেটিন আমেৰিকা আৰু এই সমগ্ৰ ভূভাগত ব্ৰাজিলৰ গুৰুত্বপূৰ্ণ স্থান আছে। ভাৰতীয় প্ৰতিনিধি দলটোৱে ব্ৰাজিলৰ শীৰ্ষ বিষয়াসকলৰ সৈতে তিনি ৰাউণ্ডৰ আলোচনাত মিলিত হৈছে। সকলো বৈঠকতে ব্ৰাজিলে সন্ত্ৰাসবাদৰ বিৰুদ্ধে ভাৰতৰ স্থিতিক সকলো প্ৰকাৰে সমৰ্থন কৰিছিল। তেজশ্বৱীয়ে কয় যে ভাৰতে গিয়ানা, পানামা আৰু কলম্বিয়াৰ পৰা অপৰিসীম সমৰ্থন লাভ কৰিছিল। উল্লেখযোগ্য যে এই প্ৰতিনিধি দলত আছে সৰফৰাজ আহমেদ, গন্তি হৰিশ মধুৰ, শশাংক মণি ত্ৰিপাঠী, ভূৱনেশ্বৰ কলিতা, তেজস্বী সূৰ্য্য আৰু প্ৰাক্তন ৰাষ্ট্ৰদূত তৰণজিৎ সিং সন্ধু। কংগ্ৰেছৰ সাংসদ শশী থাৰুৰে ব্ৰাজিলৰ উপ-বিদেশ মন্ত্ৰী মাৰিয়া ল’ৰা দা ৰোচাৰ সৈতে হোৱা বৈঠক সফল বুলি কয়।

মনৰোভিয়া (লাইবেৰিয়া)ত বিজেপি নেতা এছ এছ আহলুৱালিয়াই কয় যে পাকিস্তান আমাৰ নিকৃষ্ট প্ৰতিবেশী। এই চুবুৰীয়াই আমাৰ লগত সদায় সংঘাত কৰি থাকে। পাকিস্তান সন্ত্ৰাসবাদৰ কেন্দ্ৰবিন্দু হৈ পৰিছে। বিজু জনতা দলৰ সাংসদ সাস্মিত পাত্ৰই কয় যে সন্ত্ৰাসবাদীৰ ভাল বা বেয়া নাই। তেওঁলোক কেৱল সন্ত্ৰাসবাদী। এয়া কেৱল ভাৰতৰ যুঁজ নহয় সমগ্ৰ বিশ্বৰ। ভাৰতে বসুধৈৱ কুটুম্বকমৰ মতাদৰ্শত বিশ্বাস কৰে।

বিজেপিৰ সাংসদ বাঁছুৰী স্বৰাজে কয় যে সন্ত্ৰাসবাদ কোনো অঞ্চলৰ সমস্যা নহয়। এই সময়ত সমগ্ৰ বিশ্বই সন্ত্ৰাসবাদৰ বিৰুদ্ধে একেলগে থিয় দিব লাগে। যোৱা ২২ এপ্ৰিলত পেহেলগামত সংঘটিত সন্ত্ৰাসবাদী আক্ৰমণ মানৱতাৰ হত্যাকাণ্ড।

কায়ৰো (ইজিপ্ত)ৰ কংগ্ৰেছৰ সাংসদ মনীষ তিৱাৰীয়ে কয় যে এই বাৰ্তা আমি সকলোৱে আমাৰ আলোচকসকলক দিবলৈ চেষ্টা কৰিছো যে সন্ত্ৰাসবাদক ৰাষ্ট্ৰ নীতিৰ আহিলা হিচাপে ব্যৱহাৰ কৰা সেই সকলো দেশতে এবাৰ আৰু চিৰদিনৰ বাবে নিষেধাজ্ঞা আৰোপ কৰাৰ সময় আহি পৰিছে। দুৰ্ভাগ্যজনকভাৱে পাকিস্তান সেই দেশসমূহৰ ভিতৰত আগৰণুৱা।

মাদ্ৰিদ (স্পেইন)ৰ ডি এম কেৰ সাংসদ কানিমোজিয়ে কয় যে আমি স্পেইনৰ বৈদেশিক মন্ত্ৰীক লগ পাইছিলো। চেনেটৰ সদস্যসকলক সাক্ষাৎ কৰে। স্পেইন ইণ্ডিয়া কাউন্সিলৰ সৈতে এখন বৈঠক অনুষ্ঠিত কৰে। প্ৰথমেই সন্ত্ৰাসবাদৰ বলি হোৱা লোকসকলক সমৰ্থন কৰা সংঘৰ সৈতে এখন বৈঠক অনুষ্ঠিত কৰা হয়। এইক্ষেত্ৰত বৈদেশিক মন্ত্ৰীৰ পৰা অতি ইতিবাচক সঁহাৰি পাইছিল। তেওঁ আমাক আশ্বাস দিয়ে যে যেতিয়া ভাৰতে সন্ত্ৰাসবাদৰ বিৰুদ্ধে যুঁজিব বিচাৰে বা শেষ কৰিব বিচাৰে তেতিয়া তেওঁলোকে সমৰ্থন কৰিব। কোৱা হৈছে যে ৰাছিয়া, লাটভিয়া, স্লোভেনিয়া, গ্ৰীচ আৰু স্পেইন ভ্ৰমণ সম্পূৰ্ণ কৰাৰ পিছত সাংসদ কানিমোজিৰ নেতৃত্বত সৰ্বদলীয় প্ৰতিনিধি দল ভাৰতলৈ ৰাওনা হ’ব। প্ৰতিনিধি দলৰ নেতা কানিমোঝিয়ে চেন্নাইত উপস্থিত হ’ব, তেওঁৰ আন সদস্যসকল কাইলৈ ​​দিল্লীত উপস্থিত হ’ব।

हिन्दुस्थान समाचार / মনোজ কুমাৰ শইকীয়া