ইম্ফল, ০২ জুন (হি.স.)। মণিপুৰত নিৰাপত্তা বাহিনীয়ে এক বৃহৎ সফলতা লাভ কৰিছে। মণিপুৰ আৰক্ষীয়ে ভাৰত-ম্যানমাৰ সীমান্তৰ সমীপৰ টেংগনৌপাল জিলাত ব্যৱস্থা গ্ৰহণ কৰি থকা অৱস্থাত নিষিদ্ধ উগ্ৰপন্থী সংগঠন কাংগলেই ইয়াৱল কান্না লুপৰ তিনিজন কেডাৰক গ্ৰেপ্তাৰ কৰিছে। ইয়াৰ উপৰিও তিনিটা বুলেটপ্ৰুফ জেকেট, ছখন বুলেটপ্ৰুফ প্লেট (দুটা আইৰন আৰু চাৰিটা ফাইবাৰ) আৰু কিছুমান ছদ্মবেশৰ ইউনিফৰ্মো জব্দ কৰা হৈছে।
সোমবাৰে মণিপুৰ আৰক্ষীৰ মুখপাত্ৰই জনোৱা মতে, ভাৰত-ম্যানমাৰ সীমান্তৰ সমীপৰ টেংগনৌপাল জিলাত ব্যৱস্থা গ্ৰহণ কৰি থকা অৱস্থাত নিষিদ্ধ উগ্ৰপন্থী সংগঠন কাংগলেই ইয়াৱল কান্না লুপ (কেৱাইকেএল)ৰ তিনিজন কেডাৰক গ্ৰেপ্তাৰ কৰা হয়। আটকাধীন উগ্ৰপন্থী দুজন হ’ল কাকচিং জিলাৰ সুগনু আৱাং মণ্ডপ লেইকাই, মইৰাং ট্ৰংলাওবি আৱাং লেইকাই (২২), বিষ্ণুপুৰ জিলাৰ লেইখুৰুম জনছন মেইটেই আৰু ইম্ফল পশ্চিমৰ সিংজামেই অকামপত লেইকাইৰ সাগোলচেম সনাজোবা সিং (২৬)।
ইফালে, সমগ্ৰ ৰাজ্যৰ পাহাৰ আৰু উপত্যকা অঞ্চলৰ স্পৰ্শকাতৰ অঞ্চলতো একেলগে অনুসন্ধান অভিযান আৰু এলেকা আধিপত্য অভিযান চলাইছিল।
চুৰাচান্দপুৰ থানা এলেকাৰ খুয়াংমুন অঞ্চলত এই অভিযানৰ সময়ত নিৰাপত্তা বাহিনীয়ে অস্ত্ৰ-শস্ত্ৰ আৰু বিস্ফোৰক সামগ্ৰীৰ ভঁৰাল উদ্ধাৰ কৰে। ইয়াত এটা .৩০৩ ৰাইফল (খালী মেগজিন থকা), চাৰিটা একক বেৰেল গান, তিনিটা মডিফাইড লং ৰেঞ্জ মৰ্টাৰ, দুটা আই ই ডি (তিনি কিলোগ্ৰাম আৰু এক কিলোগ্ৰাম ওজনৰ), দুটা লাইভ পম্পি ৰাউণ্ড, বুলেটপ্ৰুফ জেকেট (প্লেটৰ সৈতে), এটা হেলমেট, দুটা গোলাবাৰুদৰ পাউচ আৰু এটা বাওফেং ৰেডিঅ’ চেট অন্তৰ্ভুক্ত কৰা হৈছে।
ইম্ফল পশ্চিম জিলাৰ পাটছয় থানা এলেকাৰ অন্তৰ্গত খুমবং লৌবুক লম্বী তেৰা মাখং পথৰ সমীপত আন এক তালাচী অভিযানত উদ্ধাৰ হয় বিপুল পৰিমাণৰ অস্ত্ৰ-শস্ত্ৰ। ইয়াৰ ভিতৰত আছে স্থানীয়ভাৱে নিৰ্মিত কাৰ্বাইন মেচিনগান (মেগজিনযুক্ত), ডাবল বেৰেল গান, একক বেৰেল গান, .৩২ পিষ্টল (মেগজিনযুক্ত), দুটা ৭.৬২ এলএমজি মেগজিন, ৩৬ নম্বৰৰ এইচই গ্ৰেনেড (ডিটনেটৰৰ সৈতে), চীনৰ হেণ্ড গ্ৰেনেড, দুটা ষ্টান গ্ৰেনেড আৰু কেইবাবিধো গুলী (৯ মিমি, এ কে ৰাইফল, .৪৫ মিমি আৰু .২২)।
ইয়াৰ উপৰিও তিনিটা বুলেটপ্ৰুফ জেকেট, ছখন বুলেটপ্ৰুফ প্লেট (দুটা আইৰন আৰু চাৰিটা ফাইবাৰ) আৰু কিছুমান ছদ্মবেশৰ ইউনিফৰ্মো জব্দ কৰা হৈছে। এই অভিযানসমূহ নিৰাপত্তা বাহিনীয়ে বিদ্ৰোহক শিপাই উলিয়াবলৈ আৰু ৰাজ্যত শান্তি ঘূৰাই অনাৰ নিৰন্তৰ প্ৰচেষ্টাৰ এক গুৰুত্বপূৰ্ণ যোগসূত্ৰ হিচাপে বিবেচিত হৈছে।
हिन्दुस्थान समाचार / Monoj Kumar Saikia
