জগদলপুৰ, ৩১ মে’ (হি.স.)। ছত্তীশগড়ত আবুঝমদ এনকাউণ্টাৰত নক্সালবাদী নেতা নম্বলা কেশৱ ৰাও ওৰফে বাসৱ ৰাজু ধৰাশায়ী হোৱাৰ পিছত নক্সালবাদী সংগঠনৰ সাধাৰণ সম্পাদকৰ দৌৰত থকা তেলেংগানাৰ কৰিমনগৰ জিলাৰ কোৰুতুলাৰ আম্বেদকাৰ নগৰৰ বাসিন্দা থিপ্পাৰী তিৰুপতি ওৰফে দেৱজী (৬১ বছৰ)ৰ নাতিনীয়েকে তেওঁলৈ চিঠি লিখি এটি ভিডিঅ’ মুকলি কৰিছে । এই পত্ৰত ককাদেউতাকক ঘূৰি আহিবলৈ আহ্বান জনাইছে। দেৱজী চি আৰ বিৰ কেন্দ্ৰীয় সামৰিক সমিতিৰ সদস্য। তেওঁৰ ওপৰত ১ কোটি টকাৰ পুৰস্কাৰ ঘোষণা কৰা হৈছে।

শনিবাৰে তেলেগু ভাষাত সংবাদ মাধ্যমত প্ৰকাশ পাইছে এই চিঠি আৰু ভিডিঅ’ বাৰ্তা। চিঠি আৰু ভিডিঅ' মেছেজত দেৱজীৰ নাতিনী সুমাই দেৱজীক কৈ আছে যে ককাদেউতা, আপোনাক সদায় লগ পোৱাৰ মন যায়, কিন্তু দুৰ্ভাগ্যজনকভাৱে মই কেতিয়াও সেই সুযোগ নাপালোঁ। সংবাদ মাধ্যমত যেতিয়াই আপোনাৰ বিষয়ে পঢ়ো তেতিয়াই আপোনাৰ বাবে গৌৰৱ অনুভৱ কৰো আৰু বিষন্ন অনুভৱ কৰো, কিন্তু শেহতীয়া ঘটনাবোৰ দেখিও মোৰ বৰ দুখ লাগে। সঁচা অৰ্থত কামনা কৰিছোঁ যে আপুনি এই কঠিন পৰিস্থিতিত ঘৰলৈ উভতি আহক। বছৰ বছৰ ধৰি আপোনাৰ বাবে পৰিয়ালটোৰ সদস্যই অপেক্ষা কৰি আছে। এই আটাইবোৰ বছৰত তেওঁলোকে নিশ্চয় সন্মুখীন হোৱা অসুবিধাৰ কথা ভাবি চাওকচোন।

ইয়াৰ সমান্তৰালকৈ দেৱজীৰ নাতিনী সুমাই নিৰাপত্তাৰক্ষীৰ অভিযান সন্দৰ্ভতো প্ৰশ্ন উত্থাপন কৰি কয়, অপাৰেচন কাগাৰ কিয়? পাকিস্তান আৰু বাংলাদেশৰ পৰা আমাৰ দেশত অনুপ্ৰৱেশ কৰা সকলৰ বিৰুদ্ধে কিয় কোনো ব্যৱস্থা লোৱা নহয়? মাওবাদীৰ নৃশংস হত্যা আৰু মিঠাই বিতৰণ দেখি মোৰ বৰ দুখ লাগে। শেষত সুমাই আন্তৰিক আহ্বান জনাই লিখিলে - দুৱাৰমুখত আপোনাৰ বাবে অপেক্ষা কৰি আছে আমাৰ পৰিয়াল। আমি আপোনালোকক মৰমেৰে আমন্ত্ৰণ জনাইছো ঘূৰি আহিবলৈ।

हिन्दुस्थान समाचार / মনোজ কুমাৰ শইকীয়া