অভিনেতা ইমৰাণ হাছমীয়ে নিজৰ ছবি ‘গ্ৰাউণ্ড জিৰ’ক লৈ যথেষ্ট দিনৰ পৰা বাতৰিৰ শিৰোনাম দখল কৰি আহিছে। বহু অপেক্ষাৰ অন্তত অৱশেষত আজি অৰ্থাৎ ২৫ এপ্ৰিলত ছবিগৃহত মুক্তি পালে এই ছবিখন। ইফালে ইমৰানে তেওঁৰ ছুপাৰহিট ফ্ৰেঞ্চাইজি ‘জন্নত’ৰ তৃতীয় কিস্তিও ঘোষণা কৰিছে, যাৰ নাম ‘জন্নত-৩’। এই ছবিখনৰ ঘোষণাৰ বাবে অনুৰাগীসকলে বহু সময় ধৰি অপেক্ষা কৰি আছিল। বৰ্তমান এই প্ৰকল্পটো প্ৰাৰম্ভিক পৰ্যায়ত আছে আৰু ইয়াৰ প্ৰস্তুতি আৰম্ভ হৈছে।
এক আছুতীয়া কথা-বতৰাৰ সময়ত ইমৰাণ হাছমীয়ে কয়, আমি কেৱল 'আৱাৰাপন ২' নহয়, 'জন্নত ৩'কো লৈ আহিম। এইখন ছবি যিখন মই পুনৰুজ্জীৱিত কৰিব বিচাৰো। প্ৰযোজকসকলৰ সৈতে কথা-বতৰা চলি আছে। মই যেনেকৈ হঠাতে 'আৱাৰাপন ২' ঘোষণা কৰিলোঁ, ঠিক তেনেদৰে মই 'জন্নাত ৩'ৰ কথাও ঘোষণা কৰিম। সম্প্ৰতি চিত্ৰনাট্যৰ কাম চলি আছে আৰু ইয়াৰ বাবে কিছু সময় লাগিব। ইয়াৰ পিছত কি হয় চাওঁ আহক।
ইমৰাণ হাছমীয়ে কথা-বতৰাত আৰু কয়, মোৰ 'ছিৰিয়েল কিজাৰ'ৰ ভাবমূৰ্তিই মোক তাৰকা কৰি তুলিলে। যদি মই এটা পৰম্পৰাগত চৰিত্ৰত অভিনয় কৰিলোঁহেঁতেন তেন্তে মই দৰ্শকৰ সৈতে সেই সংযোগ স্থাপন কৰিব নোৱাৰিলোহেঁতেন। মই নাভাবো যে মোক এনে চৰিত্ৰৰ বাবে নিৰ্মাণ কৰা হৈছে। সঁচা কথা ক'বলৈ গ'লে মই 'গেংষ্টাৰ', 'জান্নাট' আৰু 'মাৰ্ডাৰ'ৰ দৰে ছবি কৰি ভাল পাওঁ। সেইবোৰেই মোৰ প্ৰকৃত পৰিচয়।
তথ্যৰ বাবে কওঁ যে ২০০৮ চনৰ ১৬ মে’ত ‘জন্নত’ মুক্তি লাভ কৰাৰ বিপৰীতে ইয়াৰ ছিকুৱেল ‘জন্নত ২’ ২০১২ চনৰ ৪ মে’ত মুক্তি লাভ কৰিছিল। এই দুয়োখন ছবিৰ পৰিচালনা আছিল কুনাল দেশমুখ।
হিন্দুস্থান সমাচাৰ / মনোজ কুমাৰ শইকীয়া
