কামৰূপ, ০২ এপ্ৰিল (হি.স.)। কামৰূপ জিলাৰ হালধাত জলসম্পদ মন্ত্ৰী পিয়ুজ হাজৰিকা। কামৰূপ দৰং সীমান্তবৰ্তী অঞ্চল হালধাত আধাৰশিলা স্থাপন বৰনদীৰ মথাউৰিৰ। প্ৰায় চাৰি কৌটি ৭৫ লাখ টকা ব্যয়ৰে হালধাৰ পৰা বণিয়া চুৱালৈ নিৰ্মাণ হ'ব এই মথাউৰি। কমলপুৰ সমষ্টিৰ বিধায়ক দিগন্ত কলিতাৰ উপস্থিতিত আধাৰশিলা স্থাপন কৰা মথাউৰিটোই প্ৰায় শতাধিক গাৱৰ দিৰ্ঘদিনীয়া বানপানী সমস্যা সমাধান কৰিব। জলসম্পদ বিভাগৰ কামৰূপ গ্ৰাম্য সংমণ্ডলৰ অধীনত নিৰ্মাণ হ'বলগীয়া মথাউৰিৰ নিৰ্মাণ বান পানীৰ পূৰ্বে শেষ কৰাৰ চেষ্টা কৰিব বিভাগে।
আনহাতে এই অনুষ্ঠানতে সাংসদ ভুৱনেশ্বৰ কলিতাৰ অনুদানৰে দিয়া এম্বুলেন্স এখনো মুকলি কৰে। লগত আজিৰ অনুষ্ঠানতে পাঁচটাকৈ পথৰো আধাৰশিলা স্থাপন কৰে। অসমত আশী শতাংশ ভঙা মথাউৰিৰ নিৰ্মাণৰ কাম ইতিমধ্যে শেষ হোৱা বুলি কয় মন্ত্ৰী গৰাকীয়ে।
হিন্দুস্থান সমাচাৰ / প্ৰকাশ ডেকা