কাছাৰ, ০৩ এপ্ৰিল (হি.স.)। শিলচৰৰ বৰাইল ভিউ হোটেলত অগ্নিকাণ্ড। সমগ্ৰ অঞ্চলটোত আতংকৰ পৰিৱেশৰ সৃষ্টি হয়।অগ্নি নিৰ্বাপক বাহিনী আৰু আৰক্ষীৰ দীৰ্ঘসময়জুৰি কৰা প্ৰচেষ্টাৰ অন্তত নিয়ন্ত্ৰণলৈ অনা হয় অগ্নিনিৰ্বাপক বাহিনীৰ। শিলচৰৰ বৰাইল ভিউ হোটেলত ভয়ংকৰ অগ্নিকাণ্ড।হোটেল খনৰ পাকঘৰত সংঘটিত হয় এই অগ্নিকাণ্ড। ঘটনাৰ পিছতে হোটেল খনৰ ভিতৰতে এক আতংকময় পৰিৱেশৰ সৃষ্টি হয়।
হোটেল খনৰ ভিতৰতে ৰাইজৰ মাজত এক বিশৃংখল পৰিস্থিতিৰ সৃষ্টি হয়। খবৰ পোৱাৰ লগে লগে আৰক্ষী আৰু অগ্নিনিৰ্বাপক বাহিনীৰ লোক ঘটনাস্থলীত উপস্থিত হয়। অগ্নি নিৰ্বাপক বাহিনী আৰু আৰক্ষীৰ ব্যাপক প্ৰচেষ্টাৰ অন্তত জুই নিয়ন্ত্ৰণ কৰিবলৈ সক্ষম হয়। অগ্নিকাণ্ডত কেইবা লাখ টকাৰ সামগ্ৰী নষ্ট হয় যদিও কোনো লোক হতাহত হোৱাৰ খবৰ পোৱা নাই।পাকঘৰৰ চিমনিৰ পৰাই জুইৰ সূত্ৰপাত হোৱা বুলি অনুমান কৰা হৈছে।
হিন্দুস্থান সমাচাৰ / কিশোৰ মিশ্ৰ