গোলাঘাট,০৩ এপ্ৰিল (হি.স.)। অসমীয়াৰ বাপোতি সাহোন ৰঙালী বিহুলৈ মাজত মাথোঁ কেইটামান দিন বাকী থকাৰ সময়তে ৰাজ্যৰ চৌদিশে এতিয়া দেখিবলৈ পোৱা গৈছে ৰঙালীক আদৰাৰ ব্যাপক প্ৰস্তুতি । সমান্তৰালভাৱে দেৰগাঁৱৰ বিষ্ণুপুৰ জ্ঞানোদয় মহিলা সমিতিৰ সৌজন্যত জ্ঞানজ্যোতি মইনা পাৰিজাতে আয়োজন কৰিছে ১৭ দিনীয়া বিহুৰ আখৰা ।

নৱ প্ৰজন্ম তথা উঠি অহা কণ কণ শিশু সকলক বিহুৰ প্ৰতি অধিক আগ্ৰহী কৰাৰ মানসেৰে আয়োজন কৰা বিহুৰ আখৰাত অঞ্চলটোৰ বিভিন্ন গাঁৱৰ পৰা কণ কণ শিশুসকলে অংশগ্ৰহণ কৰা এই বিহুৰ আখৰাত প্ৰশিক্ষণ প্ৰদান কৰিছে অভিজ্ঞ প্ৰশিক্ষকে ।

হিন্দুস্থান সমাচাৰ / নিৰ্মলেন্দু