গুৱাহাটী, ০৩ এপ্ৰিল(হি.স.)। গুৱাহাটীত অহা ৯ এপ্ৰিলৰ পৰা তিনিদিনিয়াকৈ অনুষ্ঠিত হ’ব সীমান্ত ক্ৰীড়া মহোৎসৱ'২৫। দেশৰ আন্তঃৰাষ্ট্ৰীয় সীমান্তৱৰ্তী অঞ্চলত বসবাস কৰা লোকসকলৰ শৈক্ষিক, সামাজিক, সাংস্কৃতিক আৰু অৰ্থনৈতিক আদি সকলো প্ৰকাৰৰ বিকাশ সাধনৰ জৰিয়তে সেই লোক সকলৰ মনত দেশপ্ৰেম আৰু ৰাষ্ট্ৰীয়তাবোধৰ ভাৱনা বৃদ্ধি কৰিবলৈ ১৯৮৫ চনত ৰাজস্থানৰ যোধপুৰত সীমা জাগৰণ মঞ্চৰ জন্ম হৈছিল। পৰবৰ্তী সময়ত অসমৰ সীমান্তৱৰ্তী গাঁও সমূহত বিভিন্ন ধৰণৰ কাৰ্য্যক্ৰম যেনে খেল-ধেমালি, সৎসংগ, সজাগতামূলক সভা, প্ৰাক-নিযুক্তিকালীন প্ৰশিক্ষণ আৰু ২০০৮ চনত ধুবুৰী জিলাত সীমান্ত চেতনা মঞ্চ পূৰ্বোত্তৰৰ জন্ম হয় আৰু জন্ম হোৱা দিন ধৰি সীমান্ত অঞ্চলৰ বিভিন্ন গঠনমূলক দিশত সেৱা আগবঢ়াই আহিছে।

একতা আৰু সংহতিৰ মনোভাৱ বৰ্তাই ৰাখি অসমৰ আন্তঃৰাষ্ট্ৰীয় সীমাৰ সৈতে সংলগ্ন থকা শূণ্য ৰেখাৰ পৰা ২০ কিলোমিটাৰ ভিতৰৰ অঞ্চলৰ চাব যুনিয়ৰ (১৪ বছৰৰ পৰা ১৭ বছৰলৈ) আৰু জুনিয়ৰ (১৭ বছৰৰ পৰা ২০ বছৰলৈ) এই দুই শাখাত খেলুৱৈ সকলক অংশগ্ৰহণ কৰাই সীমান্ত ক্ৰীড়া মহোৎসৱ'২৫ অহা ৯, ১০ আৰু ১১ এপ্ৰিল'২০২৫ তাৰিখে গুৱাহাটীৰ সৰুসজাইস্থিত ইন্দিৰা গান্ধী এথলেটিকছ ষ্টেডিয়ামত অনুষ্ঠিত হ'ব।

প্ৰতিযোগিতাত ইতিমধ্যে অসমৰ আন্তঃৰাষ্ট্ৰীয় সীমান্তৱৰ্তী ৯ খন জিলাত ২১ ডিচেম্বৰ'২০২৪ ৰ পৰা ৩০ জানুৱাৰী'২০২৫ তাৰিখলৈ অনুষ্ঠিত হৈ যোৱা, প্ৰায় ৬০০০ খেলুৱৈয়ে অংশগ্ৰহণ কৰা জিলাভিত্তিক যোগ্যতা নিৰ্ণায়ক খেল প্ৰতিযোগিতাৰ (১০০ মিটাৰ,২০০ মিটাৰ, ৮০০ মিটাৰ দৌৰ, লং জাম্প, হাই জাম্প, ট্ৰিপল জাম্প, শ্বট পুত, জেভেলিন থ্ৰো', ডিস্কাছ থ্ৰো'',ৰিলে ৰেচ্,

মাকাছন ৰেচ্‌ আদি) যোগেদি বাচনি কৰা প্ৰায় ৬০০ জন খেলুৱৈয়ে অংশগ্ৰহণ কৰিব।

৯ এপ্ৰিলৰ উদ্বোধনী অনুষ্ঠানত সভাপতি প্ৰদীপ কুমাৰ আই. পি. এছ (অৱসৰপ্ৰাপ্ত),মুখ্য অতিথি প্ৰমোদ বড়ো, মুখ্য কাৰ্যবাহী সদস্য বি. টি.আৰ প্ৰশাসন, সন্মানীয় অতিথি ড. উমেশ চক্ৰৱৰ্তী সংঘ চালক - ৰাষ্ট্ৰীয় ষ্বয়ংসেৱক সংঘ উপস্থিত থাকিব।

১০ এপ্ৰিল'ত খেলুৱৈ সকলৰ সৈতে বাৰ্তালাপত মিলিত হব লাভলীনা বৰগোহাঁই, অলিম্পিক পদকপ্ৰাপ্ত বক্সাৰ,বিশিষ্ট অতিথি দাওবাইসা বড়ো, কাৰ্যবাহী সদস্য বি. টি, আৰ প্ৰশাসন।প্ৰদীপ তিমুং - সঞ্চালক ,ক্ৰীড়া আৰু যুৱ কল্যাণ বিভাগ, অসম চৰকাৰ।

১১ এপ্ৰিল'ৰ সামৰণি অনুষ্ঠানত সভাপতি প্ৰদীপ কুমাৰ, আই. পি. এছ (অৱসৰপ্ৰাপ্ত), সভাপতি, সীমান্ত ক্ৰীড়া মহোৎসৱ'২৫,মুখ্য অতিথি পবিত্ৰ মাৰ্ঘেৰিটা, কেন্দ্ৰীয় মন্ত্ৰী, সন্মানীয় অতিথি তেমজেন ইমনা আলং, পৰ্যটন আৰু উচ্চ শিক্ষা বিভাগৰ মন্ত্ৰী, নাগালেণ্ড চৰকাৰ উপস্থিত থাকিব।

অনুষ্ঠানৰ বিশিষ্ট অতিথি মুৰলীধৰ বিন্দে, সংযোজক, সীমা জাগৰণ মঞ্চ, কুশৰ য. হিলালী, বিশেষ সচিব, ক্ৰীড়া আৰু যুৱ কল্যাণ বিভাগ,ড. সুজয় লাল থাওছেন, আই. পি. এচ (অৱসৰপ্ৰাপ্ত), মূখ্য আয়ুক্ত, অসম ৰাজ্যিক জনসেৱা অধিকাৰ আয়োগ, প্ৰদীপ কুমাৰ, আই. পি. এছ (অৱসৰপ্ৰাপ্ত) উপস্থিত থাকিব।

হিন্দুস্থান সমাচাৰ / ৰমেন বৰ্মণ