নতুন দিল্লী, ০২ এপ্ৰিল (হি.স.)। চৰকাৰে বিভিন্ন ৰাজ্যৰ ৰাষ্ট্ৰীয় ঘাইপথ আৰু এক্সপ্ৰেছৱেৰ কাষে কাষে ৫০১ টা ৱেই-ছাইড এমিনিটি (WSA) আবণ্টন দিছে। ইয়াৰে ৯৪টা ডব্লিউ এছ এ আৰম্ভ কৰা হৈছে। ২০২৮-২০২৯ বিত্তীয় বৰ্ষৰ ভিতৰত ৭০০ৰো অধিক ডব্লিউ এছ এৰ উন্নয়ন সম্পূৰ্ণ হোৱাৰ সম্ভাৱনা আছে।
এই তথ্য কেন্দ্ৰীয় পথ পৰিবহণ আৰু ঘাইপথ মন্ত্ৰী নীতিন গাডকাৰীয়ে ৰাজ্যসভাত এক তাৰকাবিহীন প্ৰশ্নৰ ওপৰত লিখিত বিবৃতিত দিছে। এই ডব্লিউ এছ এৰ সুবিধাসমূহত ইন্ধন ষ্টেচন, বৈদ্যুতিক বাহন চাৰ্জিং ষ্টেচন, শৌচাগাৰ, খোৱাপানী, পাৰ্কিং, ধাবা-ৰেষ্টুৰেণ্ট বা খাদ্যৰ দোকান আদিৰ ব্যৱস্থা আছে। ব্যৱহাৰকাৰীসকলে গুণগত মানৰ নিৰীক্ষণৰ উদ্দেশ্যে ডিজিটেল ইনপুটসমূহ প্ৰদান কৰিব পৰাকৈ ডব্লিউ এছ এত ডিজিটেল প্ৰতিক্ৰিয়া ব্যৱস্থা স্থাপন কৰা হৈছে।
ব্যক্তিগত নিবিদাৰ জৰিয়তে নিৰ্বাচিত অপাৰেটৰসকলে ডব্লিউ এছ এসমূহ পৰিচালনা কৰে। কিন্তু নিয়োগৰ সুযোগ সৃষ্টি আৰু স্থানীয় শিপিনীসকলক উন্নীত কৰিবলৈ নিৰ্দিষ্ট আবৃত জ’নসমূহত বাধ্যতামূলক সুবিধাসমূহৰ অংশ হিচাপে দোকানৰ বাবে এলেকা আবণ্টন দিয়া হৈছে। লগতে স্থানীয় উৎপাদিত সামগ্ৰীৰ প্ৰচাৰৰ বাবে খাদী আৰু গ্ৰামোদ্যোগ আয়োগৰ জৰিয়তে অত্যাৱশ্যকীয় সা-সুবিধা হিচাপে গ্ৰাম হাটৰ ব্যৱস্থা কৰা হৈছে। যিহেতু ডব্লিউ এছ এসমূহ নিবিদা ব্যৱস্থাৰ জৰিয়তে নিৰ্বাচিত অপাৰেটৰে পৰিচালনা কৰে, গতিকে নিয়োগ সৃষ্টিৰ সবিশেষ চৰকাৰে লাভ নকৰে।
চৰকাৰে নেশ্যনেল হাইৱেজ লজিষ্টিকছ মেনেজমেণ্ট লিমিটেড (এন এইচ এল এম এল)ৰ জৰিয়তে ৰাষ্ট্ৰীয় ঘাইপথ আৰু এক্সপ্ৰেছৱেৰ কাষেৰে প্ৰায় ৪০-৬০ কিলোমিটাৰ ব্যৱধানত পথৰ কাষৰ সুবিধাসমূহৰ উন্নয়নৰ কথা কল্পনা কৰিছে। বৰ্তমান মুঠ ৫০১ টা ডব্লিউ এছ এ আবণ্টন দিয়া হৈছে। ইয়াৰে ৯৪টা কাৰ্যক্ষম হৈ আছে, য'ত অন্ধ্ৰপ্ৰদেশত ৫টা, অসমৰ ৩টা, গুজৰাটৰ ৯টা, হাৰিয়ানাত ২০টা, ঝাৰখণ্ডত ১টা, কৰ্ণাটকত ৫টা, এম পিত ১১টা, পঞ্জাৱত ২টা, ৰাজস্থানত ২০টা, তামিলনাডুত ৫টা, ইউ পি আৰু ডব্লিউত ১১টাকে ধৰি বংগত ২টা ডব্লিউ এছ এ আছে।
हिन्दुस्थान समाचार / মনোজ কুমাৰ শইকীয়া
03 Apr 2025
