নতুন দিল্লী, ০৩ এপ্ৰিল (হি.স.)। ৰাজ্যসভাত বৃহস্পতিবাৰে ৱাকফ সংশোধনী বিধেয়ক সন্দৰ্ভত আলোচনাৰ সময়ত বিজেপিৰ সদস্য ড০ ৰাধামোহন দাস আগৰৱালাই কয় যে মোডী চৰকাৰে সকলো হিন্দু আৰু মুছলমানক সমানে উন্নয়নৰ প্ৰবাহ প্ৰদান কৰাৰ পক্ষত আছে। প্ৰধানমন্ত্ৰী মোদীয়ে আমাক সকলো সাংসদক কৈছে যে সকলোৰে বাবে উন্নয়ন আনিব লাগে।
আগৰৱালাই কয় যে হিন্দু সমাজত সময়ে সময়ে সংস্কাৰ ঘটিছে। এই সদনে সতীপ্ৰথা, বাল্য বিবাহ, বিধৱা পুনৰ বিবাহ সম্পৰ্কেও আইন প্ৰণয়ন কৰিছে যদিও আজিলৈকে মুছলমান সমাজৰ সৈতে জড়িত সংস্কাৰৰ বাবে এই সদনত কোনো উদ্যোগ লোৱা হোৱা নাই। প্ৰধানমন্ত্ৰী মোডীৰ নেতৃত্বত এই পদক্ষেপ গ্ৰহণ কৰা হৈছে আৰু আমি ইয়াক আদৰণি জনোৱা উচিত।
ৱাকফ ব’ৰ্ডে ভূমি মাফিয়াৰ দৰে কাম কৰাৰ অভিযোগ উত্থাপন কৰি তেওঁ কয় যে ব্যৱহাৰৰ ভিত্তিত সম্পত্তি ঘোষণাৰ অপব্যৱহাৰ কৰা হৈছে। ৱাকফৰ সম্পত্তি দান কৰা মাটি কিন্তু ব্যৱহাৰৰ ভিত্তিত ৱাকফ বুলি ঘোষণা কৰা যিকোনো সম্পত্তি কোনোৱে দান কৰা নাই। সদায় দখল কৰি লৈ যোৱা হৈছে। তেওঁ কয় যে বহু ৱাকফৰ সম্পত্তি ভূমি মাফিয়াই দখল কৰিছে। তেওঁ কৰ্ণাটকৰ একাংশ প্ৰভাৱশালী ব্যক্তিৰ নাম উল্লেখ কৰে যিসকলে সম্পত্তিসমূহ দখল কৰিছে।
हिन्दुस्थान समाचार / মনোজ কুমাৰ শইকীয়া
