গোলাঘাট, ১০ এপ্ৰিল (হি.স.)। বাপতিসাহোন ৰঙালী বিহুলৈ মাজত মাত্ৰ কেইটামান দিন বাকী ৷ চৌদিশে হেপাঁহৰ ৰঙালীক আদৰিবলৈ চলিছে ব্যাপক প্ৰস্তুতি চলিব ধৰিছে ৷ ঠায়ে ঠায়ে বিহুৰ কৰ্মশালা লগতে চলিছে বিহু আখৰা ৷ সমান্তৰালভাৱে তাঁতশালৰ শিপিনী সকল দিনেনিশাই অসমীয়া স্বাভিমান গামোচাখন তাঁতশালৰ পৰা কাটি উলিয়াবলৈ চেষ্টা কৰিছে ৷

বিহুৰ সময়ত হুচৰি দলে গৃহস্থৰ চোতালত হুচৰি গাই গৃহস্থৰ কুশল-মংগলৰ অৰ্থে মূৰৰ চুলি ছিঙি আৰ্শীবাদ কৰিব ৷ গৃহস্থইও অসমীয়াৰ স্বাভিমান গামোচাখন শৰাই অৰিহণা সৈতে আগবঢ়াই ৰাইজৰ পৰা আৰ্শীবাদ বিছাৰিব ৷ সেয়েহে গামোচা বোৱা এই সকল শিপিনী তাঁতশালত শেষ পৰশ দিয়াত ব্যস্ত হৈ পৰিছে ৷ সমান্তৰালভাৱে বৰহোলা বেকাজানৰ তাঁতশালৰ শিপিনী ৰমিনা মিপুণে দিনে ৰাতিয়ে গামোচা বোঁৱাত ব্যস্ত হৈ পৰিছে ৷ এইবাৰ ৰঙালী বিহুৰ উপলক্ষে শিপিনী গৰাকীয়ে বিহু উদযাপন সমিতি, গৃহস্থৰ লগতে বিভিন্ন অনুষ্ঠান-প্ৰতিষ্ঠানৰ পৰা অৰ্ডাৰ লাভ কৰিছে দুই হাজাৰো অধিক গামোচা ৷

---------------

হিন্দুস্থান সমাচাৰ / প্ৰকাশ ডেকা