নতুন দিল্লী, ২৯ মাৰ্চ (হি.স.)। কেন্দ্ৰীয় সংখ্যালঘু পৰিক্ৰমা মন্ত্ৰী কিৰেন ৰিজিজুৱে আজি ইয়াৰ গুৰুদ্বাৰা ৰাকবগঞ্জ চাহাবত প্ৰধানমন্ত্ৰী ঐতিহ্য বৃদ্ধি (পি এম বিকাশ) আঁচনিৰ অধীনত এক প্ৰকল্পৰ শুভাৰম্ভ কৰে। ইয়াৰ লক্ষ্য হৈছে শিখ সম্প্ৰদায়ক দক্ষতা বিকাশ, কৰ্মসংস্থাপন সৃষ্টি আৰু আৰ্থিক সাহায্যৰ জৰিয়তে সবলীকৰণ কৰা।
এই উপলক্ষে সংবাদ মাধ্যমৰ সৈতে হোৱা কথা-বতৰাত কিৰেন ৰিজিজুৱে কয় যে আজি ইয়াৰ বিশিষ্ট ব্যক্তিসকলৰ সৈতে গুৰুদ্বাৰা ৰাকব গঞ্জ চাহাবত প্ৰধানমন্ত্ৰী বিকাশ যোজনাৰ অধীনত এক পৰিৱৰ্তনশীল প্ৰকল্পৰ শুভাৰম্ভ কৰে। ইয়াক ৰূপায়ণ কৰিব দিল্লী শিখ গুৰদ্বাৰা পৰিচালনা সমিতিয়ে। ইয়াত ৩১,৬০০ যুৱকে অংশগ্ৰহণ কৰিব। ইয়াৰে ২৯,৬০০ দক্ষতা প্ৰশিক্ষণৰ বাবে আৰু ২০০০ শিক্ষা সাহায্যৰ বাবে।
তেওঁ কয় যে দিল্লী শিৰোমণি গুৰদ্বাৰা পৰিচালনা সমিতিৰ জৰিয়তে আমি বুজাবুজি চুক্তি স্বাক্ষৰ কৰি এক অতি বৃহৎ কাৰ্যসূচী আৰম্ভ কৰিছো। এই পদক্ষেপৰ বাবে দিল্লী চৰকাৰৰ সৈতে সমন্বয়ৰ প্ৰয়োজন হ’ব আৰু হিতাধিকাৰীসকলক কেৱল প্ৰশিক্ষণেই নহয়, ষ্টাইপেণ্ড আৰু আৰ্থিক সাহায্যও প্ৰদান কৰিব বুলি আশা কৰা হৈছে।
এআই আৰু ৫জি টেলিকমৰ পৰা আৰম্ভ কৰি এ আৰ-ভিআৰ, গ্রাফিক ডিজাইন আৰু সৌৰ প্ৰযুক্তিলৈকে এই পদক্ষেপে যুৱক-যুৱতীসকলক ভৱিষ্যতৰ বাবে সাজু দক্ষতাৰে সজ্জিত কৰে বুলি কেন্দ্ৰীয় সংখ্যালঘু পৰিক্ৰমা মন্ত্ৰীয়ে কয়। নিশ্চিত নিয়োগ আৰু মাহেকীয়া ষ্টাইপেণ্ডেৰে আমি প্ৰধানমন্ত্ৰী নৰেন্দ্ৰ মোদীৰ “সবকা সাথ সবকা বিকাশ” মন্ত্ৰ অনুসৰণ কৰি দিল্লী শিৰোমণি গুৰুদ্বাৰা প্ৰবন্ধক সমিতিৰ জৰিয়তে সম্প্ৰদায়সমূহক শক্তিশালী কৰি আছো।
কেন্দ্ৰীয় মন্ত্ৰীগৰাকীয়ে কয় যে শিখ সম্প্ৰদায়ৰ বাবে এই এক বিশেষ কাৰ্যসূচী আৰম্ভ কৰা হৈছে। ইয়াত প্ৰথমে আমি শিখ সম্প্ৰদায়ৰ নিবনুৱা যুৱক-যুৱতী আৰু মহিলাসকলক লক্ষ্য কৰি লৈছো। ইয়াৰ ফলত বৃহৎ পৰিসৰত কৰ্মসংস্থাপনৰ সুযোগ সৃষ্টি হ’ব। এটা প্ৰশ্নৰ উত্তৰত তেওঁ কয় যে আমি পঞ্জাৱত আৰু দেশৰ য’তেই শিখ সম্প্ৰদায়ৰ সংখ্যাগৰিষ্ঠতা আছে তাতেই এনে কাৰ্যসূচী আৰম্ভ কৰিম।
ৱাকফ (সংশোধনী) বিধেয়কৰ সৈতে জড়িত এক প্ৰশ্নত তেওঁ কয় যে দেশৰ সকলোৰে কথা কোৱাৰ গণতান্ত্ৰিক অধিকাৰ আছে যদিও বিধেয়কখন ভালদৰে পঢ়া আৰু বুজি নোপোৱাকৈ উৰাবাতৰি প্ৰচাৰ কৰাটো এৰাই চলিব লাগে। এই বিধেয়কখনৰ সন্দৰ্ভত দেশত ৯৭ লাখ প্ৰতিনিধিত্ব গ্ৰহণ কৰা হৈছে। তেওঁ কয় যে এই দেশখন সংবিধানৰ দ্বাৰা পৰিচালিত। কোনো মছজিদ বা কবৰস্থান কাঢ়ি নিবলৈ যোৱা নাই। আমি সকলোৱে ঐক্যবদ্ধভাৱে কাম কৰিম। প্ৰধানমন্ত্ৰী মোডীৰ শ্লোগান হৈছে সবকা সাথ, সবকা বিকাশ।
ইয়াৰ পূৰ্বে কেন্দ্ৰীয় মন্ত্ৰী ৰিজিজু আৰু দিল্লীৰ পৰিৱেশ মন্ত্ৰী মঞ্জিন্দৰ সিং ছিৰছাই ইয়াত গুৰুদ্বাৰা শ্ৰী ৰাকব গঞ্জ চাহাবক উপস্থিত কৰি প্ৰণাম জনায়।
हिन्दुस्थान समाचार / মনোজ কুমাৰ শইকীয়া
