নতুন দিল্লী, ২৯ ডিচেম্বৰ (হি.স.)। পুৰুষৰ হিৰো হকী ইণ্ডিয়া লীগ (এইচ আই এল) পুনৰ এক ৰোমাঞ্চকৰ ছিজনৰ সৈতে আহি আছে। আগন্তুক ২০২৬ ছিজনৰ পূৰ্বে এইচ আই এল গভৰ্নিং কাউন্সিল টিম (এইচ আই এল জি চি) আৰু বেদান্ত কলিংগা লেন্সাৰ্ছে তেওঁলোকৰ শক্তিশালী দলীয় গাঁথনিৰ বাবে প্লে অফৰ স্থানৰ লক্ষ্য ৰাখিব। দুয়োটা দলে অভিজ্ঞ আন্তঃৰাষ্ট্ৰীয় খেলুৱৈৰ সমান্তৰালভাৱে ভাৰতীয় যুৱ প্ৰতিভাৰ সবল মিশ্ৰণৰ কথা গৌৰৱ কৰে।

এইচ আই এল গভৰ্নিং কাউন্সিল দল: ভাৰসাম্য আৰু অভিজ্ঞতাৰ শক্তি

২০২৬ চনৰ ছিজনৰ পূৰ্বে এইচ আই এল গভৰ্নিং কাউন্সিলে খেলুৱৈ আৰু সহায়ক কৰ্মচাৰীসকলৰ বাবে ধাৰাবাহিকতা নিশ্চিত কৰিবলৈ ইউ পি ৰুদ্ৰাছ ফ্ৰেঞ্চাইজিৰ পৰা কাৰ্য্যকলাপ গ্ৰহণ কৰিছে। ৫ জানুৱাৰীৰ পৰা এছ জি পাইপাৰ্ছৰ বিৰুদ্ধে দলটোৱে অভিযান আৰম্ভ কৰিব।

দলটোৰ নেতৃত্ব দিব হাৰ্দিক সিঙে। গ’লৰক্ষক বিভাগে ইংলেণ্ডৰ জেমছ মাজাৰেলো আৰু ভাৰতৰ প্ৰশান্ত কুমাৰ চৌহানৰ দৰে নিৰ্ভৰযোগ্য বিকল্পৰ গৌৰৱ কৰে। ভাৰতৰ অভিজ্ঞ সুৰেন্দৰ কুমাৰ (১৭৮খন আন্তঃৰাষ্ট্ৰীয় মেচ) আৰু নিউজিলেণ্ডৰ কেন ৰাছেলে (২০০ৰো অধিক ছিনিয়ৰ কেপ) ৰক্ষণভাগত গুৰুত্বপূৰ্ণ ভূমিকা পালন কৰিব। গ্ৰেট ব্রিটেইনৰ জেমছ আলবেৰী, ভাৰতৰ প্রসন্ত বার্লা, জছজিৎ সিং কুলাৰ, মহম্মদ হৰিছ, আৰু তালেম প্রিয়াবার্তাই বেকলাইনক শক্তিশালী কৰিব ৷

মিডফিল্ডত শেহতীয়াকৈ ভাৰতত অনুষ্ঠিত হোৱা এফ আই এইচ হকী পুৰুষৰ জুনিয়ৰ বিশ্বকাপত ছটা গ’ল দিয়া মনমীত সিঙৰ সৈতে অধিনায়ক হাৰ্দিক সিঙে পিভট হিচাপে পৰিগণিত হ’ব। লগতে উপস্থিত থাকিব ৰাহুল যাদৱ আৰু আয়াৰলেণ্ডৰ অভিজ্ঞ মিডফিল্ডাৰ দৰাগ ৱালছ।

ভাৰতৰ ললিত কুমাৰ উপাধ্যায় (৬৭ আন্তঃৰাষ্ট্ৰীয় গ’ল) আৰু গ্ৰেট ব্রিটেইনৰ ছেম ৱাৰ্ড (২১৬ আন্তর্জাতিক গ’ল) এই আক্রমণৰ মূল ভেটি হ’ব৷ গুৰজোৎ সিং, সুদীপ চিৰমাকো আৰু অজিত যাদৱ, বেলজিয়ামৰ টাংগুই কাজিনছ, আৰু নিউজিলেণ্ডৰ চাইমন ইয়ৰষ্টনে দলটোৰ আক্ৰমণত অধিক শক্তি প্ৰদান কৰিব।

বেদান্ত কলিংগ লেন্সাৰ: শক্তিশালী প্ৰতিৰক্ষা আৰু আন্তঃৰাষ্ট্ৰীয় অভিজ্ঞতা

যোৱা ছিজনত ষষ্ঠ স্থান দখল কৰা বেদান্ত কলিংগা লেন্সাৰ্ছে এই ছিজনত শক্তিশালী ডিফেন্সৰ ওপৰত নিৰ্ভৰ কৰি উন্নত প্ৰদৰ্শনৰ লক্ষ্য ৰাখিব। ভাৰতৰ ১ নং গ’লৰক্ষক কৃষ্ণন বি পাঠক আৰু অষ্ট্ৰেলিয়াৰ জেড স্নোডনে গ’লপোষ্টত স্থান লাভ কৰিব।

ৰক্ষণভাগত বেলজিয়ামৰ তাৰকা ত্ৰয়—আৰ্থাৰ ভান ড’ৰেন (সহ অধিনায়ক), আলেকজেণ্ডাৰ হেণ্ড্ৰিক্স আৰু এণ্টনি কিনাই দলটোৰ আটাইতকৈ ডাঙৰ শক্তি হ’ব। ভাৰতৰ সঞ্জয় (সহ অধিনায়ক)ৰ সৈতে তেওঁ নেতৃত্ব আৰু ড্ৰেগ-ফ্লিকিং দক্ষতা প্ৰদান কৰিব। সুনীল পি বি, প্ৰতাপ লাকৰা, আৰু ৰোহিত কুল্লুৱেও ডিফেন্স শক্তিশালী কৰিব।

মিডফিল্ডত অষ্ট্ৰেলিয়াৰ যুৱ লিয়াম হেণ্ডাৰছন আৰু ক্ৰেগ মাৰেইছৰ লগতে ভাৰতৰ ৰবিচন্দ্ৰ সিং মইৰাংথেম, অমিত কুমাৰ টপ্পো, আৰু ৰোজান কুজুৰে ভাৰসাম্য ৰক্ষা কৰিব। ভাৰতৰ দিলপ্ৰীত সিং, ববি সিং ধামী, অংগদ বীৰ সিং, আৰু গুৰচাহিবজিৎ সিঙৰ লগতে অষ্ট্ৰেলিয়াৰ কুপাৰ বাৰ্নছে ফৰৱাৰ্ড লাইনত দলৰ আক্ৰমণক শক্তিশালী কৰিব। ২০২৬ চনৰ ৪ জানুৱাৰীত চেন্নাইত ৰাঞ্চি ৰয়েলছৰ বিৰুদ্ধে প্ৰথমখন খেল খেলিব বেদান্ত কলিংগা লেন্সাৰ্ছে।

এইচআইএল গভৰ্নিং কাউন্সিলৰ দল (স্কোয়াড)

জেমছ মাজাৰেলো (গ্ৰেট ব্ৰিটেইন), প্ৰশান্ত কুমাৰ চৌহান, জেমছ আলবেৰী (গ্ৰেট ব্ৰিটেইন), জছজিৎ সিং কুলাৰ, মহম্মদ হৰিছ, সুৰেন্দ্ৰ কুমাৰ, কেন ৰাছেল (নিউজিলেণ্ড), প্ৰসন্ত বৰলা, তালেম প্ৰিয়াবাৰ্তা, হাৰ্দিক সিং, মনমীত সিং, ৰাহুল যাদৱ, দৰঘ ৱালছ (আয়াৰলেণ্ড), চাইমন ইয়ৰ্ষ্টন (নিউজিলেণ্ড), অজিত যাদৱ, সুদীপ চিৰমাকো, ছেম ৱাৰ্ড (গ্ৰেট ব্ৰিটেইন), টাংগুই কচিনছ (বেলজিয়াম), গুৰজোট সিং, ললিত কুমাৰ উপাধ্যায়।

বেদান্ত কলিংগ লেন্সাৰ (স্কোৱাড)

জেড স্নোডন (অষ্ট্ৰেলিয়া), কৃষ্ণন বি পাঠক, সুনীল পি বি, এণ্টনি কীনা (বেলজিয়াম), প্ৰতাপ লাকৰা, আৰ্থাৰ ভান ড’ৰেন (বেলজিয়াম), ৰোহিত কুল্লু, আলেকজেণ্ডাৰ হেণ্ড্ৰিক্স (বেলজিয়াম), সঞ্জয়, ক্ৰেগ মাৰেইছ (অষ্ট্ৰেলিয়া), ৰবিচন্দ্ৰ সিং মইৰাংথেম, অমিত কুমাৰ টপ্পো, লিয়াম হেণ্ডাৰছন (অষ্ট্ৰেলিয়া), ৰ’ছন কুজুৰ, গুৰচাহিবজিৎ সিং, কুপাৰ বাৰ্নছ (অষ্ট্ৰেলিয়া), অংগদ বীৰ সিং, দীপক প্ৰধান, দিলপ্ৰীত সিং, ববি সিং ধামি।

हिन्दुस्थान समाचार / অৰৱিন্দ