কাঠমাণ্ডু, ১৬ অক্টোবৰ (হি.স.)। নেপালৰ অন্তৱৰ্তীকালীন চৰকাৰে পূৰ্বৰ কে পি অলি চৰকাৰৰ সময়ত ৰাজনৈতিকভাৱে নিযুক্তি পোৱা ১১খন দেশৰ ৰাষ্ট্ৰদূতক ওভতাই অনাৰ সিদ্ধান্ত গ্ৰহণ কৰিছে।
বৃহস্পতিবাৰে অন্তৱৰ্তীকালীন প্ৰধানমন্ত্ৰী সুশিলা কাৰ্কিৰ অধ্যক্ষতাত অনুষ্ঠিত কেবিনেট বৈঠকত চীন, আমেৰিকা, ব্ৰিটেইনকে ধৰি ১১খন দেশৰ ৰাষ্ট্ৰদূতক ওভতাই অনাৰ সিদ্ধান্ত গ্ৰহণ কৰে। চৰকাৰৰ মুখপাত্ৰ তথা তথ্য আৰু যোগাযোগ মন্ত্ৰী জগদীশ খাৰেলে কয় যে নিমন্ত্ৰিত সকলো ৰাষ্ট্ৰদূতক ২০ দিনৰ ভিতৰত নেপাললৈ উভতি যাবলৈ কোৱা হৈছে।
বৈঠকত যিসকল ৰাষ্ট্ৰদূতক ওভতাই আহিবলৈ কৈছে সেইসকলৰ ভিতৰত আছে ড০ কৃষ্ণ প্ৰসাদ অলি (চীন), লোকদৰ্শন ৰেগমি (আমেৰিকা), চন্দ্ৰ ঘিমিৰে (বেলায়ত), নেত্ৰ টিমচিনা (মালয়েছিয়া), শৈল ৰূপাখেতি (জাৰ্মানী), ধনপ্ৰসাদ পণ্ডিত (ইজৰাইল), জংপ্ৰসাদ চৌহান (ৰাছিয়া), সুনীল নেপাল (স্পেইন), ৰামেশচন্দ্ৰ পৌডেল (কাটাৰ), নৰেশ বিক্ৰম ঢকাল (চৌদি আৰব আমিৰশ্বাহ), দুৰ্গা বাহাদুৰ সুবেদী (জাপান)।
हिन्दुस्थान समाचार / অৰৱিন্দ
