কোকৰাঝাৰ, ০৮ জানুৱাৰী (হি.স.)। কোকৰাঝাৰ জিলাৰ দুৰামাৰীত আজি পাচঁটাকৈ বাসগৃহ জ্বলাই দিলে উত্তেজিত গঞা ৰাইজে ৷ উত্তেজিত ৰাইজে দুৰামাৰী টাবুৰ চৰ গাওঁৰ ছাহজাহান সেখ,মইদুল সেখ,ছানোৱাৰ সেখ,আমজাদ আলি,ছুৰমান আলি আৰু হেকাইপাৰা গাওঁৰ আসাদ আলী আকন্দৰ ঘৰ জ্বলাই দিয়ে ৷

গঞা ৰাইজে অভিযোগ কৰা মতে উল্লেখিত লোক কেইজনে বিভিন্ন সময়ত গৰু চোৰ কৰি গাওঁ আৰু জাতিটোৰ বদনাম কৰি আহিছে ৷ সেয়ে কেইবাখনো গাওঁৰ ৰাইজে একত্ৰিত হৈ তেওঁলোকৰ ঘৰ জ্বলাই দিয়া বুলি সদৰি কৰিছে ৷ গঞা ৰাইজে এনেদৰে আইন হাতত তুলি লৈ ঘৰ জ্বলাই দিয়াত অঞ্চলটোত তীব্ৰ উত্তেজনা বিৰাজ কৰিছে ৷ ইতিমধ্যে ঘটনাস্থলীত উপস্থিত হৈ ৰাইজক ছত্ৰভঙ্গ কৰি পৰিস্থিতি নিয়ন্ত্ৰণ কৰে আৰক্ষীয়ে ৷

হিন্দুস্থান সমাচাৰ / কিশোৰ মিশ্ৰ